కొండా లక్ష్మణ్ బాపూజీ ఆశయాలను ముందుకు తీసుకెళ్లాలి

కొండా లక్ష్మణ్ బాపూజీ ఆశయాలను ముందుకు తీసుకెళ్లాలి
ఘనంగా ఆచార్య కొండా లక్ష్మణ్ బాపూజీ 14వ వర్ధంతి
కాటారంలో నివాళులర్పించిన పద్మశాలి సంఘం, ఉత్సవ కమిటీ నాయకులు
కాటారం, సెప్టెంబర్ 21 , మేజర్ సూర్య న్యూస్:
స్వాతంత్ర సమరయోధుడు, మలిదశ తెలంగాణ ఉద్యమ  నేత, మాజీ మంత్రి ఆచార్య కొండా లక్ష్మణ్ బాపూజీ సేవలు చిరస్మరణీయమని పలువురు ప్రజా సంఘాల నాయకులు కొనియాడారు. బాపూజీ 14వ వర్ధంతి సందర్భంగా సోమవారం కాటారం మండల కేంద్రంలో పద్మశాలి సంఘం, మహనీయుల ఉత్సవ కమిటీ ఆధ్వర్యంలో వర్ధంతి వేడుకలు ఘనంగా జరిగాయి. ఈ సందర్భంగా మండల కేంద్రంలోని బాపూజీ విగ్రహానికి పూలమాలలు వేసి  నివాళులు అర్పించారు.ఈ సందర్భంగా నాయకులు మాట్లాడుతూ సామాజిక న్యాయం, సమానత్వం, ప్రజాస్వామ్య విలువల కోసం బాపూజీ చేసిన కృషి ఎప్పటికీ స్ఫూర్తిదాయకమని అన్నారు. స్వాతంత్య్ర ఉద్యమంలో పాల్గొని దేశ సేవకు అంకితమవ్వడమే కాకుండా, ప్రజా సమస్యల పరిష్కారం కోసం ఆయన నిరంతరం పోరాడారని గుర్తుచేశారు. తెలంగాణ ప్రాంత ప్రజల ఆకాంక్షలను బలంగా వినిపించి, ప్రత్యేక రాష్ట్ర సాధన కోసం తన జీవితాన్నే అంకితం చేసిన ప్రజా నాయకుడని కొనియాడారు. పదవుల కంటే ప్రజా సేవకే ఆయన ప్రాధాన్యత ఇచ్చారని, నేటి తరం యువత బాపూజీ జీవిత చరిత్రను తెలుసుకుని, ఆయన ఆశయాలను ముందుకు తీసుకెళ్లాలని పిలుపునిచ్చారు.ఈ కార్యక్రమంలో పద్మశాలి సంఘం అధ్యక్షులు దోమల సమ్మయ్య, మహనీయుల ఉత్సవ కమిటీ చైర్మన్ జనగామ కరుణాకర్ రావు, డీసీసీ అధికార ప్రతినిధి పంతకాని సమ్మయ్య, నాయకులు పులి అశోక్, పల్నాటి బలరాం, జల్లారం మల్లయ్య, ఎలుగం రవీందర్, ఎలుగం సత్యనారాయణ, కనుకుంట్ల శ్రీనివాస్, గుల్లపెల్లి శ్రీరామ్ మూర్తి, దోమల రమేష్, దేవలపల్లి రాజమౌళి, జీయ్యారు మల్లయ్య, కోట్టే ప్రభాకర్, గడ్డం కొమురయ్య యాదవ్, ఆత్మకూరి కుమార్ యాదవ్ తదితరులు పాల్గొన్నారు