షాద్‌నగర్‌లో కలకలం.. కళాశాలకు వెళ్లి అదృశ్యమైన ఇంటర్ విద్యార్థిని
సూర్య తెలంగాణ డెస్క్: రంగారెడ్డి జిల్లా షాద్‌నగర్ పట్టణంలో ఒక ఇంటర్ విద్యార్థిని అదృశ్యమైన ఘటన స్థానికంగా కలకలం రేపింది. షాద్‌నగర్‌లోని విజ్ఞాన్ కళాశాలలో ఇంటర్మీడియట్ అభ్యసిస్తున్న ఆయేషా అనే యువతి గత నెల 29వ తేదీ సాయంత్రం నుంచి కనిపించకుండా పోయినట్లు కుటుంబ సభ్యులు ఆందోళన వ్యక్తం చేస్తున్నారు. ఎప్పتిలాగే కళాశాలకు వెళ్లిన ఆమె, తిరిగి ఇంటికి రాకపోవడంతో బంధువులు, తెలిసిన వారి ఇళ్లలో ఎంత వెతికినా ఆచూకీ లభించలేదు.
విద్యార్థిని ఆచూకీ దొరకకపోవడంతో తీవ్ర ఆందోళనకు గురైన తల్లిదండ్రులు పోలీసులను ఆశ్రయించి ఫిర్యాదు చేశారు. ఈ ఘటనపై కేసు నమోదు చేసుకున్న పోలీసులు అన్ని కోణాల్లో దర్యాప్తు ప్రారంభించారు. ఆటోలు, సీసీటీవీ పుటేజీలను పరిశీలిస్తూ గాలింపు చర్యలు ముమ్మరం చేశారు. ఆయేషా ఆచూకీ ఎవరికైనా లభిస్తే వెంటనే 7730973603 నెంబర్‌‌కు సమాచారం అందించాలని కుటుంబ సభ్యులు కన్నీటి పర్యంతమవుతూ విజ్ఞప్తి చేస్తున్నారు.
జవాజి రాఘవేంద్ర గౌడ్, మేజర్ న్యూస్, షాద్ నగర్.
