పేదరిక నిర్మూలనే లక్ష్యంగా 'బంగారు కుటుంబం' కార్యక్రమం:ఎమ్మెల్యే కోళ్ల

లక్క వరపు కోట, అక్టోబర్ 01 మేజర్ న్యూస్ :
ప్రభుత్వం ప్రతిష్టాత్మకంగా అమలు చేస్తున్న పి4 (పీపుల్–పబ్లిక్–ప్రైవేట్ పార్టనర్‌షిప్) ద్వారా గ్రామీణ ప్రాంతాల్లో పేదరికాన్ని పారద్రోలి ప్రతి ఇంటినీ ఆర్థికంగా బలోపేతం చేయడమే లక్ష్యమని ఎమ్మెల్యే కోళ్ల లలితకుమారి పేర్కొన్నారు. ఎల్.కోట ఎంపీడీవో కార్యాలయంలో నిర్వహించిన పి4 మండల స్థాయి అధికారుల "బంగారు కుటుంబం" సమీక్షా సమావేశంలో ఆమె ముఖ్య అతిథిగా పాల్గొన్నారు.
​ఈ సందర్భంగా ఎమ్మెల్యే మాట్లాడుతూ, సమాజంలో అట్టడుగున ఉన్న కుటుంబాలను గుర్తించి, వారి ఆర్థిక పురోభివృద్ధికి తగిన ప్రణాళికలు రూపొందించాలని అధికారులకు దిశానిర్దేశం చేశారు. 'బంగారు కుటుంబం' పథకం ద్వారా ప్రతి పేద కుటుంబానికి అవసరమైన సహాయ సహకారాలు అందిస్తూ, వారి జీవన ప్రమాణాలను మెరుగుపరిచేందుకు అధికారులు క్షేత్రస్థాయిలో సమన్వయంతో కృషి చేయాలని సూచించారు. ప్రభుత్వం ప్రవేశపెట్టిన మార్గదర్శకాలకు అనుగుణంగా అర్హులైన ప్రతి లబ్ధిదారుడికీ ప్రయోజనం చేకూరేలా చూడాలన్నారు.

​ఈ కార్యక్రమంలో నియోజకవర్గ స్పెషల్ ఆఫీసర్ ఈ మురళి మాట్లాడుతూ అందుబాటులో వున్నా ప్రతి అవకాశం వినియోగించు కునే లా అధికారులు ప్రణాళికలు తయారు చేసి పంపిస్తే వాటి అనుమతులు కోసం ఎమ్మెల్యే ద్వారా  జిల్లా కలెక్టర్ ద్వారా ప్రభుత్వం ద్రుష్టి కి తీసుకుని వెళ్తాము అన్నారు  ఈ కార్యక్రమం లో , ఎంపీడీవో అల్లు భాస్కర్ రావు తహసీల్దార్ హరి తో పాటు వివిధ శాఖల మండల స్థాయి అధికారులు, ప్రజాప్రతినిధులు, సిబ్బంది పాల్గొన్నారు..