హర్ ఘర్ జల్‌పై ప్రజలకు అవగాహన
సూర్య ఎలిగేడు ; మండలం ర్యాకల్ దేవ్‌పల్లి గ్రామంలో హర్ ఘర్ జల్ కార్యక్రమాన్ని మంగళవారం గ్రామ సర్పంచ్ మద్దెల రమాదేవి సంపత్ ఆధ్వర్యంలో నిర్వహించారు. ఈ సందర్భంగా గ్రామ ప్రజలకు సురక్షితమైన తాగునీటి వినియోగంపై అవగాహన కల్పించారు.ప్రతి ఇంటికి నల్లా కనెక్షన్ ఉండేలా చూసుకోవడం, నల్లా కనెక్షన్లను సక్రమంగా వినియోగించడం, తాగునీటి వృథాను అరికట్టడం వంటి అంశాలను ప్రజలకు వివరించారు. గ్రామంలోని వాటర్ ట్యాంకులను క్రమం తప్పకుండా శుభ్రపరచడంతో పాటు పరిసరాలను పరిశుభ్రంగా ఉంచాలని, నీరు కలుషితం కాకుండా తగిన జాగ్రత్తలు తీసుకోవాలని సూచించారు.సురక్షితమైన తాగునీటిని వినియోగించడం ద్వారా అనేక అనారోగ్య సమస్యలను నివారించవచ్చని సర్పంచ్ మద్దెల రమాదేవి సంపత్ తెలిపారు. ప్రతి కుటుంబం నీటి విషయంలో అప్రమత్తంగా ఉండాలని, గ్రామంలోని ప్రతి ఇంటికి స్వచ్ఛమైన, సురక్షితమైన తాగునీరు అందేలా అవసరమైన చర్యలు తీసుకుంటామని పేర్కొన్నారు.ఈ కార్యక్రమంలో పంచాయతీ కార్యదర్శి కుక్క అశోక్, వాటర్ సభ్యులు సతీష్, గ్రామపంచాయతీ సిబ్బంది, గ్రామ ప్రజలు పాల్గొన్నారు.
