గ్రామాభివృద్ధిలో వార్డు సభ్యుల పాత్ర కీలకం...
గ్రామాభివృద్ధిలో వార్డు సభ్యుల పాత్ర కీలకం...
నంగునూరు:-గ్రామాల సమగ్ర అభివృద్ధిలో వార్డు సభ్యుల పాత్ర కీలకమని, ప్రజలకు అందుబాటులో ఉంటూ తమ విధులు, బాధ్యతలను సమర్థవంతంగా నిర్వహించాలని నంగునూరు ఎంపీడీవో శ్రీనివాస్ సూచించారు. గ్రామాల్లో ప్రజా సమస్యలను గుర్తించి, వాటి పరిష్కారానికి కృషి చేయడంతోపాటు అభివృద్ధి కార్యక్రమాల్లో చురుకైన పాత్ర పోషించాలని పిలుపునిచ్చారు.
మండల కేంద్రమైన నంగునూరులోని మండల పరిషత్ కార్యాలయంలో వివిధ గ్రామాల వార్డు సభ్యులకు గత ఐదు రోజులుగా నిర్వహిస్తున్న శిక్షణ తరగతులు శుక్రవారం ముగిశాయి. ఈ సందర్భంగా శిక్షణ పూర్తి చేసుకున్న వార్డు సభ్యులకు ఎంపీడీవో శ్రీనివాస్ చేతుల మీదుగా ధ్రువపత్రాలను అందజేశారు.
ఈ సందర్భంగా ఎంపీడీవో మాట్లాడుతూ, వార్డు సభ్యులు తమ తమ గ్రామాల అభివృద్ధికి అంకితభావంతో పనిచేయాలని అన్నారు. ప్రజల అవసరాలను గుర్తించి, గ్రామాల్లో మౌలిక సదుపాయాల కల్పనకు కృషి చేయాలని సూచించారు. తమకు అప్పగించిన బాధ్యతలను సక్రమంగా నిర్వర్తిస్తూ ప్రజలకు మెరుగైన సేవలు అందించాలని పేర్కొన్నారు.ఈ కార్యక్రమంలో మండల పరిషత్ కార్యాలయ సూపరింటెండెంట్ ప్రభాకర్ రావు, ఉప సర్పంచ్ ల ఫోరం రాష్ట్ర ప్రధాన కార్యదర్శి కోల శ్రీధర్ గౌడ్ వివిధ గ్రామాల పంచాయతీ కార్యదర్శులు, వార్డు సభ్యులు పాల్గొన్నారు.
