గంజాయి రహిత సమాజం కోసం కృషి చేయాలి

సూర్య   ఉట్నూర్ : గంజాయి రహిత సమాజం కోసం విద్యార్థులు కృషి చేయాలనీ ఉట్నూర్ కోర్టు సీనియర్ న్యాయవాదులు జమీర్ ఖాన్ పెందూర్ ప్రభాకర్ అన్నారు. ఉట్నూర్ మండల కేంద్రంలోని కె. బి. కాంప్లెక్స్ సమీపంలో ఉన్న ప్రభుత్వ ఐ. టి. ఐ కళాశాలలో స్వధర్మ ఫౌండేషన్ ఆధ్వర్యంలో మంగళవారం న్యాయ విజ్ఞాన సదస్సు నిర్వహించారు.ఈ సందర్బంగా సీనియర్ న్యాయవాదులు జమీర్ ఖాన్ పెందూర్ ప్రభాకర్ ఫౌండేషన్ వ్యవస్థాపకుడు కుడెల్లి అశోక్ లు ఎన్ డి పి ఎస్ యాక్ట్ గురించి విద్యార్థులకు అవగాహన కల్పించారు.గంజాయి డ్రగ్స్ వల్ల జరిగే నష్టాల గురించి విద్యార్థులకు  వివరించారు .అనంతరం గంజాయి డ్రగ్స్ నిర్మూలన కోసం ఫౌండేషన్ ద్వారా రూపొందించిన కరపత్రాలు అంబేద్కర్ జీవిత చరిత్ర పుస్తకాలను విద్యార్థులకు అందజేశారు. ఈ కార్యక్రమం లో కళాశాల ప్రిన్సిపాల్ రొడ్డ రవీందర్ న్యాయవాది గ్లాడీస్ కళాశాల సిబ్బంది విద్యార్థులు తదితరులు పాల్గొన్నారు.