ఎర్రబొడ అంగన్వాడీ కేంద్రంలో అగ్నిప్రమాదం

- ఘటన స్థలాన్ని సందర్శించిన కవిత

- అత్తాపూర్ పిఎస్ లో కేసు నమోదు

- ఎర్రబొడ అంగన్వాడీ కేంద్రంలో ఈరోజు అగ్నిప్రమాదం చోటు చేసుకుంది. అగ్నిప్రమాదం జరిగిన విషయాన్ని అంగన్వాడీ ఉపాధ్యాయురాలు అధికారుల దృష్టికి తీసుకురావడంతో, వెంటనే జిల్లా మహిళా, శిశు సంక్షేమ శాఖ అధికారికి సమాచారం అందించారు.
జిల్లా కలెక్టర్, జిల్లా మహిళా, శిశు సంక్షేమ శాఖ అధికారి ఆదేశాల మేరకు సీడీపీఓ కవిత, సూపర్‌వైజర్ శారద ఎఱ్ఱబొడ అంగన్వాడీ కేంద్రాన్ని సందర్శించి పరిస్థితిని పరిశీలించారు. అనంతరం స్థానికులతో మాట్లాడి అగ్ని ప్రమాదానికి సంబంధించిన వివరాలనుసేకరించారు.అగ్నిప్రమాదంలో అంగన్వాడీ కేంద్రంలోని బరువు తూచే పరికరాలు, ఆట వస్తువులు, పాత రిజిస్టర్లు, 90 గుడ్లు, 50 కిలోల బియ్యం దెబ్బతిన్నట్లు అధికారులు గుర్తించారు.
జరిగిన నష్టానికి సంబంధించిన పూర్తి వివరాలతో జిల్లా మహిళా, శిశు సంక్షేమ శాఖ అధికారికి నివేదిక సమర్పించారు.
జిల్లా కలెక్టర్ ఆదేశాల మేరకు అగ్నిప్రమాద ఘటనపై అత్తాపూర్ పోలీస్ స్టేషన్‌లో కేసు నమోదు చేసి దర్యాప్తు చేపట్టారు. అగ్నిప్రమాదానికి గల కారణాలపైపోలీసులువిచారణ కొనసాగిస్తున్నారు.

వడ్ల శ్రీనివాస చారి, మేజర్ న్యూస్ -రంగారెడ్డి