ఎమ్మెల్యే కార్యాలయంలో గణనాధుని నిమజ్జనం

*ఘనంగా యాదగిరిగుట్టలోని ఎమ్మెల్యే కార్యాలయ  గణనాథుడి నిమజ్జనం.*

యాదాద్రి భువనగిరి జిల్లా, యాదగిరిగుట్ట: యాదగిరిగుట్ట పట్టణంలోని తెలంగాణ రాష్ట్ర ప్రభుత్వ విప్, ఆలేరు ఎమ్మెల్యే శ్రీ బీర్ల అయిలయ్య  కార్యాలయంలో తొమ్మిది రోజుల పాటు పూజలు అందుకున్న గణనాథుడి నిమజ్జనం వేడుకలను బుధవారం ఘనంగా నిర్వహించారు.

ఈ సందర్భంగా ముందుగా బీర్ల అయిలయ్య  అనిత  గణనాథుడికి ప్రత్యేక పూజలు నిర్వహించి, భక్తిశ్రద్ధలతో పూజా కార్యక్రమాలు చేపట్టారు. అనంతరం బీర్ల నిలయం నుంచి వైకుంఠ ద్వారం వరకు గణనాథుడిని ఊరేగింపుగా తీసుకెళ్లారు.

భక్తులు, నాయకులు, కార్యకర్తలు ఉత్సాహంగా పాల్గొని గణపతి బప్పా మోరియా అంటూ నినాదాలు చేస్తూ వేడుకలను ఘనంగా నిర్వహించారు. అనంతరం సైదాపూర్ చెరువుకు చేరుకుని గణనాథుడిని భక్తిశ్రద్ధలతో నిమజ్జనం చేశారు.