దంతాలపల్లి లో ఘనంగా దేవీ నవరాత్రి ఉత్సవాలు

దంతాలపల్లి, మేజర్ న్యూస్, మండల కేంద్రంలోని దంతాలపల్లి ఒకటవ వార్డులో దేవీ శరన్నవరాత్రి ఉత్సవాలు భక్తిశ్రద్ధలతో అంగరంగ వైభవంగా ప్రారంభమయ్యాయి. శివ పుత్ర యూత్ ఆధ్వర్యంలో నిర్వహిస్తున్న ఈ ఉత్సవాలతో వార్డులో ఆధ్యాత్మిక వాతావరణం నెలకొంది. అమ్మవారి నామస్మరణతో పరిసర ప్రాంతాలు మార్మోగాయి.నవరాత్రి ఉత్సవాల్లో భాగంగా శక్తి స్వరూపిణి అమ్మవారికి భక్తులు ప్రత్యేక పూజలు నిర్వహించి, నైవేద్యాలు సమర్పించారు. అమ్మవారి ఆశీస్సులు పొందేందుకు భక్తులు పెద్ద సంఖ్యలో తరలివచ్చి భక్తిపారవశ్యంలో పూజల్లో పాల్గొన్నారు. ఈ సందర్భంగా 12 మంది భక్తులు మాలధారణ చేసి దీక్షను స్వీకరించారు.భక్తి, శక్తి, ఆధ్యాత్మికతకు ప్రతీకగా నిలిచే దేవీ నవరాత్రి ఉత్సవాలు వార్డులో పండుగ వాతావరణాన్ని నింపాయి. ఉత్సవాలను భక్తిశ్రద్ధలతో నిర్వహించేందుకు శివ పుత్ర యూత్ సభ్యులు ఏర్పాట్లు చేశారు.

రిపోర్టర్; రాములు గౌడ్, దంతాలపల్లి, మహబూబాబాద్ జిల్లా