ధారూర్ బస్టాండ్ నీటి ట్యాంక్‌లోకి మురుగునీరు
దుర్వాసనతో తీవ్ర ఇబ్బందుల్లో ప్రయాణికులు
ధారూర్,మేజర్ న్యూస్ (అక్టోబర్ 7):
ధారూర్ బస్ స్టాండ్ ఆవరణలో ఉన్న నీటి ట్యాంక్‌లోకి మురుగునీరు చేరి కలుషితం కావడంతో తీవ్ర దుర్వాసన వెదజల్లుతోంది.దీనివల్ల బస్టాండ్‌కు వచ్చే ప్రయాణికులు,స్థానికులు తీవ్ర అవస్థలు పడుతున్నారు.నీటి ట్యాంక్ సరిగ్గా మూసివేయకపోవడం, పరిసరాలు పరిశుభ్రంగా లేకపోవడంతో మురుగునీరు ఇందులో కలుస్తోందని ప్రయాణికులు వాపోతున్నారు.కలుషిత నీటి నుంచి వస్తున్న దుర్వాసనతో పాటు దోమలు,ఈగలు ముసురుతుండటంతో అంటువ్యాధులు వ్యాపించే ప్రమాదం ఉందని భయాందోళన వ్యక్తం చేస్తున్నారు.ప్రజా ఆరోగ్య దృష్ట్యా సంబంధిత అధికారులు వెంటనే స్పందించి కలుషితమైన ఈ ట్యాంక్‌ను శుభ్రం చేయించాలని, మురుగునీరు చేరకుండా తగిన చర్యలు చేపట్టి సమస్యను శాశ్వతంగా పరిష్కరించాలని ప్రయాణికులు,స్థానికులు కోరుతున్నారు.
రిపోర్టర్: సుధాకర్, దారూర్, వికారాబాద్ జిల్లా.
