అక్టోబర్ 8న ఆర్టీసీ బస్సు భవన్ ముందు ధర్నా వికలాంగులకు ఆర్టీసీ బస్సుల్లో ఉచిత ప్రయాణ సౌకర్యం కల్పించాలి

అక్టోబర్ 8న ఆర్టీసీ బస్సు భవన్ ముందు ధర్నా

వికలాంగులకు ఆర్టీసీ బస్సుల్లో ఉచిత ప్రయాణ సౌకర్యం కల్పించాలి

ధర్నాను జయప్రదం చేయాలని వికలాంగుల హక్కుల జాతీయ వేదిక పిలుపు

పటాన్‌చెరు: వికలాంగులకు ఆర్టీసీ బస్సుల్లో ఉచిత ప్రయాణ సౌకర్యం కల్పించాలని డిమాండ్ చేస్తూ అక్టోబర్ 8న ఆర్టీసీ బస్సు భవన్ ముందు నిర్వహించనున్న ధర్నాను జయప్రదం చేయాలని కోరుతూ వికలాంగుల హక్కుల జాతీయ వేదిక (ఎన్‌పీఆర్‌డీ) ఆధ్వర్యంలో పోస్టర్ ఆవిష్కరణ కార్యక్రమం నిర్వహించారు.ఈ సందర్భంగా నాయకులు మాట్లాడుతూ వికలాంగుల హక్కులను ప్రభుత్వం పరిరక్షించాలని, వారికి ఆర్టీసీ బస్సుల్లో ఉచిత ప్రయాణ సౌకర్యం కల్పించాలని డిమాండ్ చేశారు. వికలాంగుల ఆర్థిక పరిస్థితులను దృష్టిలో ఉంచుకుని ఉచిత ప్రయాణ సౌకర్యాన్ని వెంటనే అమలు చేయాలని కోరారు.తమ న్యాయమైన డిమాండ్ల సాధన కోసం అక్టోబర్ 8న ఆర్టీసీ బస్సు భవన్ ముందు నిర్వహించే ధర్నాలో వికలాంగులు పెద్ద సంఖ్యలో పాల్గొని జయప్రదం చేయాలని పిలుపునిచ్చారు.ఈ కార్యక్రమంలో వికలాంగుల హక్కుల జాతీయ వేదిక సహ కన్వీనర్, పటాన్‌చెరు డివిజన్ అధ్యక్షురాలు జయలక్ష్మి, ఉపాధ్యక్షుడు మోహన్, కార్యదర్శి చి. సత్యనారాయణ, సంతోష్, సత్యనారాయణ, కృష్ణ, వీరస్వామి, శ్రీకాంత్, వెంకటేష్, బాలయ్య, నాగరాజు తదితరులు పాల్గొన్నారు.