ఆర్టీసీ బస్సును ఢీ కొట్టిన ట్రాక్టర్

ఆర్టీసీ బస్సును ఢీ కొట్టిన ట్రాక్టర్

అల్లాదుర్గం .అల్లాదుర్గం మండలం చిల్వర్
గ్రామ శివారులో సర్వీస్ రోడ్డుపై ఘోర ప్రమాదం జరిగింది. ట్రాక్టర్ ను ఆర్టీసీ బస్సు ఢీకొనడంతో ట్రాక్టర్ గుంతలో బోల్తా పడింది. ఈ ఘటనలో ముగ్గురికి గాయాలయ్యాయి. ఈఎస్ఐ అమృత్ వివరాల ప్రకారం...టేక్మాల్ కు చెందిన కిరణ్ తన తోటి కూలీలు మాల మొగులయ్య, మాల లక్ష్మి, మాల నాగమణిలతో కలిసి ట్రాక్టర్ లో ఇటుక లోడ్ తో టేక్మాల్ తండా నుంచి శంకరంపేట వైపు వెళ్తున్నారు. చిల్వర్ శివారులోకి రాగానే వెనక నుండి అతి వేగంగా వస్తున్న నారాయణఖేడ్ డిపోకు చెందిన ఆర్టీసీ బస్సు డ్రైవర్ అజాగ్రత్త నడుపుతూ.. ఓవర్ టేక్ చేసే క్రమంలో ట్రాక్టర్ ట్రాలీని ఢీకొట్టాడు. దీంతో ట్రాక్టర్ అదుపుతప్పి సర్వీస్ రోడ్డు పక్కన ఉన్న గుంతలో బోల్తా పడింది.ఈ ప్రమాదంలో ట్రాక్టర్ నడుపుతున్న మాల మొగులయ్య ఎడమ కాలుకు, నాగమణికి ఎడమ చేతికి తీవ్ర రక్త గాయాలయ్యాయి. కిరణ్, లక్ష్మిలకు వాహనంలో ప్రభుత్వ ఆసుపత్రికి తరలించారు. బాధితుల ఫిర్యాదుతో అల్లాదుర్గం ఏఎస్సై అమృత్ కేసు నమోదు చేసి దర్యాప్తు చేస్తున్నారు.స్వల్ప గాయాలయ్యాయి. క్షతగాత్రులను జోగిపేట ప్రభుత్వ ఆసుపత్రికి 108 అంబులెన్స్ ద్వారా తరలించినట్టు ఏఎస్ఐ అమృత్ తెలిపారు.