ఆపస్మారక స్థితిలో ఉన్న వ్యక్తిని కాపాడిన 108 సిబ్బంది

సూర్య  ఎలిగేడు 

 మండల కేంద్రానికి చెందిన బాసంపల్లి సాగర్ ఆపస్మారక స్థితిలోకి వెళ్లడంతో 108 సిబ్బంది సకాలంలో స్పందించి ప్రాణాలు కాపాడారు. సాగర్ అపస్మారక స్థితిలో ఉండటాన్ని గమనించిన ఆయన తండ్రి భూమయ్య వెంటనే 108కు సమాచారం అందించారు.సమాచారం అందుకున్న సుల్తానాబాద్ 108 సిబ్బంది టెక్నీషియన్ ఇరుగురాల రవివర్మ, పైలట్ గాండ్ల వెంకటేశ్వర్లు వెంటనే సంఘటనా స్థలానికి చేరుకున్నారు. సాగర్‌ను పరీక్షించగా షుగర్ లెవల్స్ పడిపోయినట్లు గుర్తించిన టెక్నీషియన్ రవివర్మ వెంటనే డిక్ట్రోజ్ సెలైన్ ఎక్కించారు. అనంతరం రక్తపోటు కూడా తక్కువగా ఉన్నట్లు గుర్తించి నార్మల్ సెలైన్ ఎక్కించి ప్రథమ చికిత్స అందించారు.సకాలంలో వైద్య సహాయం అందించడంతో సాగర్ పరిస్థితి మెరుగుపడగా, తదుపరి చికిత్స కోసం కరీంనగర్ ప్రభుత్వ ఆసుపత్రికి 108లో తరలించారు. తక్షణమే స్పందించి సాగర్ ప్రాణాలు కాపాడిన 108 సిబ్బంది టెక్నీషియన్ ఇరుగురాల రవివర్మ, పైలట్ గాండ్ల వెంకటేశ్వర్లును కుటుంబ సభ్యులు అభినందించారు