మెరుగైన వైద్యం కోసం సిఎంఆర్ఎఫ్ నిధులను పెంచాలి ఎమ్మెల్సీ నెల్లికంటి సత్యం

పేదలకు మెరుగైన వైద్యం కొరకు సిఎంఆర్ఎఫ్ నిధులను పెంచాలి: ఎమ్మెల్సీ నెల్లికంటి సత్యం

మునుగోడు,మేజర్ న్యూస్:

పేదలకు మెరుగైన వైద్యం కోసం అందిస్తున్న సీఎంఆర్ఎఫ్ నిధులను ప్రభుత్వం పెంచాలని ఎమ్మెల్సీ నెల్లికంటి సత్యం కోరారు. మంగళవారం మునుగోడు మండల కేంద్రంలోనీ సిపిఐ కార్యాలయంలో పలువురికి మంజూరు అయిన సీఎం రిలీఫ్ ఫండ్ చెక్కులను లబ్ధిదారులకు అందజేశారు.
ఈ సందర్భంగా ఆయన మాట్లాడుతూ ప్రజా ఆరోగ్య విషయంలో ప్రభుత్వం నిధులను పెంచాలని ప్రభుత్వాన్ని కోరారు. రాష్ట్ర ప్రభుత్వం వైద్య రంగానికి కేటాయిస్తున్న నిధులు సరిపోక ప్రజలు ప్రైవేటు వైద్యం కోసం లక్షల రూపాయలు ఖర్చు చేసి అప్పుల పాలవుతున్నారనీ ఆందోళన వ్యక్తం చేశారు. ప్రభుత్వాలు విద్యా, వైద్యాన్ని ఉచితంగా అందించాలన్నారు. ఈ కార్యక్రమంలో సిపిఐ జిల్లా కార్యవర్గ సభ్యులు బోలుగూరి నరసింహ, బచ్చనగోని గాలయ్య, తీర్పారు వెంకటేశ్వర్లు, మండల కార్యదర్శులు చాపల శ్రీనివాస్, నలపరాజు సతీష్, బొడిగ సైదులు, సత్యం, పాండు, వెంకన్న, కట్కూరు లింగస్వామి, గోపగోని ఉదయ్ తదితరులు పాల్గొన్నారు.