గణేష్ ఉత్సవాల్లో పాల్గొన్న ఎమ్మెల్యే బత్తుల లక్ష్మారెడ్డి, మిర్యాలగూడ అర్బన్, మేజర్

న్యూస్ :మిర్యాలగూడ పట్టణం లోని శ్రీ గణేష్ నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ఉత్సవాల్లో భాగంగా 10వ రోజు పట్టణం లోని పలు ప్రాంతాల్లో ఏర్పాటు చేసిన శ్రీ సిద్ధి వినాయక స్వామివారిని మిర్యాలగూడ ఎమ్మెల్యే బత్తుల లక్ష్మారెడ్డి (BLR) దర్శించుకుని ప్రత్యేక పూజలు నిర్వహించారు.
అనంతరం ఆయా వినాయక ఉత్సవ కమిటీల ఆధ్వర్యంలో నిర్వహించిన అన్నప్రసాద వితరణ కార్యక్రమాల్లో పాల్గొన్న ఎమ్మెల్యే భక్తులకు స్వయంగా అన్నప్రసాదాన్ని వడ్డించారు.
ఈ సందర్భంగా ఎమ్మెల్యే మాట్లాడుతూ, గణేష్ నవరాత్రి ఉత్సవాలు భక్తి, ఆధ్యాత్మికతతో పాటు సోదరభావం, ఐక్యతకు ప్రతీకగా నిలవాలని ఆకాంక్షించారు. మిర్యాలగూడ పట్టణ ప్రజలందరూ శ్రీ సిద్ధి వినాయక స్వామివారి ఆశీస్సులతో సుఖసంతోషాలు, ఆయురారోగ్యాలతో ఉండాలని ప్రార్థించారు.
ఈ కార్యక్రమాల్లో ఉత్సవ కమిటీ సభ్యులు, భక్తులు, ప్రజాప్రతినిధులు, స్థానిక నాయకులు, పెద్ద సంఖ్యలో ప్రజలు పాల్గొన్నారు.