ఐపీఎల్ 2027 వేలానికి రంగం సిద్ధం: డిసెంబర్ 16న గోవా వేదికగా గ్రాండ్ ఆక్షన్
సూర్య క్రీడా డెస్క్: ఇండియన్ ప్రీమియర్ లీగ్ తదుపరి సీజన్‌కు సంబంధించిన ఏర్పాట్లు వేగంగా జరుగుతున్నాయి. ఐపీఎల్ 2027 మెగా టోర్నీకి సంబంధించి బీసీసీఐ కీలక షెడ్యూల్‌ను తాజాగా ప్రకటించింది. ఈ టోర్నీకి సంబంధించిన ఆటగాళ్ల వేలం డిసెంబర్ 16వ తేదీన ప్రతిష్టాత్మకంగా నిర్వహించనున్నట్లు సమాచారం. దేశంలోని ప్రముఖ పర్యాటక ప్రాంతమైన గోవా వేదికగా ఈసారి ఆటగాళ్ల వేలపాట నిర్వహించనున్నట్లు తెలుస్తోంది. దీనికి సంబంధించిన అధికారిక ప్రకటన త్వరలోనే పూర్తిగా వెలువడనుంది.
ఈ వేలానికి ముందు అన్ని ఫ్రాంచైజీలు తాము అట్టూపెట్టుకోవాలనుకునే ఆటగాళ్ల జాబితాను సమర్పించేందుకు గడువును కూడా నిర్ణయించారు. ఫ్రాంచైజీలు తమ రిటైన్ చేసుకునే ఆటగాళ్ల (Retention List) తుది జాబితాను నవంబర్ 15వ తేదీలోగా అందజేయాలని ఐపీఎల్ పాలకమండలి స్పష్టం చేసింది. ఈ గడువు ముగిసిన తర్వాతే ఏ జట్టు ఏయే ఆటగాళ్లను వదులుకుంది, ఏ ఆటగాళ్లను అట్టిపెట్టుకుందనే పూర్తి చిత్ర స్పష్టత రానుంది.
ప్రతి సీజన్‌లాగే ఈసారి కూడా ఐపీఎల్ వేలం అత్యంత రసవత్తరంగా సాగే అవకాశం ఉంది. టోర్నీలో తమ జట్లను పటిష్ట పరుచుకోవడానికి ఫ్రాంచైజీల యజమానులు ఇప్పటికే వ్యూహ రచనలు ప్రారంభించారు. డిసెంబర్ మధ్యలో జరగనున్న ఈ వేలంలో ఏయే స్టార్ క్రికెటర్లకు రికార్డు ధర లభిస్తుందనే అంశంపై క్రికెట్ వర్గాల్లో తీవ్ర ఆసక్తి నెలకొంది. గోవా వేదికగా జరగనున్న ఈ క్రీడా వేడుక కోసం ఫ్రాంచైజీలన్నీ సన్నాహాలు ముమ్మరం చేశాయి.
Also Read: సినీ ఇండస్ట్రీకి లక్ష్మణ్ ఆరోగ్య గ్రామం బంపర్ ఆఫర్: అన్నీ ఉచితమే అంటున్న నిర్వాహకులు
