national
దూసుకొస్తున్న 'అక్వాన్ఏ..పీకి మరో తుఫాన్ ముప్పు.. '!
విశాఖపట్నం: వరుస తుఫాన్లతో ఇప్పటికే అతలాకుతలమైన ఆంధ్రప్రదేశ్‌కు మరో తుఫాన్ ముప్పు పొంచి ఉంది. ఆగ్నేయ బంగాళాఖాతంలో ఏర్పడిన అల్పపీడనం క్రమంగా బలపడుతూ వాయుగుండంగా మారి, ఈ నెల 16వ తేదీ సాయంత్రానికి మధ్య బంగాళాఖాతంలో తుఫాన్‌గా రూపొందే అవకాశం ఉందని విశాఖపట్నం తుఫాన్ హెచ్చరికల కేంద్రం డైరెక్టర్ మూర్తి వెల్లడించారు. ఒకవేళ ఈ వాయుగుండం తుఫాన్‌గా బలపడితే దీనికి ఇరాన్ సూచించిన 'అక్వాన్' అనే పేరు పెట్టనున్నట్లు ఆయన తెలిపారు.
ఈ తుఫాన్ గమనంపై వాతావరణ శాఖ కీలక వివరాలను వెల్లడిస్తూ.. ఇది ఉత్తర-వాయవ్య దిశగా కదులుతూ ఉత్తర కోస్తాంధ్ర మరియు దక్షిణ ఒడిశా తీరాల వైపు ప్రయాణించే అవకాశం ఉందని అంచనా వేస్తోంది.
ఇటీవల సంభవించిన 'అర్నాబ్', 'మురసు' తుఫాన్ల విధ్వంసం నుంచి కోలుకోకముందే ఈ సీజన్‌లో మూడో తుఫాన్ ముంచుకురావడం పట్ల తీర ప్రాంత ప్రజలు, రైతులు తీవ్ర ఆందోళన వ్యక్తం చేస్తున్నారు. సముద్రం అల్లకల్లోలంగా మారనున్న నేపథ్యంలో మత్స్యకారులు ఎవరూ వేటకు వెళ్లవద్దని, ఇప్పటికే వేటకు వెళ్లిన వారు తక్షణమే తీరానికి చేరుకోవాలని వాతావరణ శాఖ అధికారులు హెచ్చరికలు జారీ చేశారు.
