స్పెయిన్‌లో రైలు ప్రమాదంపై నిపుణుల దర్యాప్తు ముమ్మరం
సూర్య అంతర్జాతీయ డెస్క్: స్పెయిన్ దేశంలో ఘోర రైలు ప్రమాదం సంభవించింది. రాజధాని మాడ్రిడ్ నుంచి సెవిల్లె వైపు వెళ్తున్న హై-స్పీడ్ ప్రయాణికుల రైలు, అదే మార్గంలో వెళ్తున్న మరో రైలును వెనుక నుంచి వేగంగా ఢీకొనడంతో ఈ పెను విషాదం చోటుచేసుకుంది. టొలెడో ప్రావిన్స్‌లోని ఉర్డా (Urda) గ్రామం సమీపంలో జరిగిన ఈ ప్రమాదంలో రెండు బోగీలు పట్టాలు తప్పి బోల్తా పడ్డాయి. ఈ దుర్ఘటనలో ఇప్పటివరకు కనీసం 68 మంది ప్రాణాలు కోల్పోగా, మరో వందలాది మంది తీవ్రంగా గాయపడ్డారు. ఈ ఏడాది స్పెయిన్ రైల్వే చరిత్రలో ఇది రెండవ పెద్ద ప్రమాదం కావడంతో దేశవ్యాప్తంగా తీవ్ర దిగ్భ్రాంతి వ్యక్తమవుతోంది.
ప్రమాద తీవ్రత ఎక్కువగా ఉండటంతో బోగీల మధ్యలో ప్రయాణికులు ఇరుక్కుపోయారని, సహాయక సిబ్బంది గ్యాస్ కట్టర్ల సాయంతో కోచింగ్‌లను కట్ చేసి క్షతగాత్రులను బయటకు తీస్తున్నారని అత్యవసర సేవల అధికారులు తెలిపారు. సమాచారం అందిన వెంటనే వందలాది మంది రెస్క్యూ సిబ్బంది, అంబులెన్సులు మరియు హెలికాప్టర్లు ఘటనా స్థలానికి చేరుకుని సహాయక చర్యలు చేపట్టాయి. తీవ్రంగా గాయపడిన వారిని సమీపంలోని ఆసుపత్రులకు తరలించి చికిత్స అందిస్తున్నారు. ప్రయాణికులు ఒక్కసారిగా పెను శబ్దం వచ్చిందని, ఏం జరుగుతుందో తెలుసుకునే లోపే తీవ్ర ప్రమాదం జరిగిందని కన్నీటిపర్యూమంతమయ్యారు.
ఈ ఘోర ప్రమాదంపై స్పెయిన్ ప్రధాని పెడ్రో సాంచెజ్ తీవ్ర సంతాపం వ్యక్తం చేస్తూ దేశవ్యాప్తంగా మూడు రోజుల సంతాప దినాలను ప్రకటించారు. మృతుల కుటుంబాలకు ప్రగాఢ సానుభూతి తెలిపిన ఆయన, ఈ దుర్ఘటనపై అత్యున్నత స్థాయి దర్యాప్తునకు ఆదేశించారు. దేశంలోని అత్యాధునిక హై-స్పీడ్ రైలు నెట్‌వర్క్ భద్రతపై ప్రజల్లో పెరుగుతున్న ఆందోళనలను తొలగించేందుకు ప్రభుత్వం తక్షణ చర్యలు చేపట్టింది. సిగ్నలింగ్ వైఫల్యమా లేక సాంకేతిక లోపమా అనే కోణంలో రైల్వే భద్రతా అధికారులు మరియు నిపుణులు దర్యాప్తును ముమ్మరం చేశారు.
