వివేకా హత్య కేసు: సునీల్ యాదవ్ను 4 గంటలపాటు ప్రశ్నించిన ఈడీ
హైదరాబాద్: మాజీ మంత్రి వైఎస్ వివేకానందరెడ్డి హత్య కేసుకు సంబంధించి సునీల్ యాదవ్ను ఎన్ఫోర్స్మెంట్ డైరెక్టరేట్ (ఈడీ) విచారించింది. రెండో రోజు కొనసాగిన విచారణలో సుమారు నాలుగు గంటలపాటు సునీల్ యాదవ్ను అధికారులు ప్రశ్నించినట్లు సమాచారం.
వివేకా హత్య కేసులో A1 ఎర్ర గంగిరెడ్డి, A3 ఉమాశంకర్రెడ్డితో సునీల్ యాదవ్కు ఉన్న ఫోన్ కాల్స్పై ఈడీ అధికారులు ఆరా తీసినట్లు తెలుస్తోంది. ఆయా కాల్స్కు సంబంధించిన వివరాలను పరిశీలించిన అధికారులు, వాటిపై సునీల్ యాదవ్ను ప్రశ్నించినట్లు సమాచారం.
అలాగే గూగుల్ టేక్అవుట్ వివరాలను సునీల్ యాదవ్ ముందు ఉంచి ఈడీ అధికారులు ప్రశ్నలు సంధించినట్లు తెలుస్తోంది. హత్య జరిగిన సమయంలో ఆయన ఎక్కడ ఉన్నారు? ఎవరెవరితో సంప్రదింపులు జరిపారు? అనే అంశాలపై అధికారులు వివరాలు సేకరించినట్లు సమాచారం.
వివేకానందరెడ్డి హత్య జరిగిన సమయంలో తాను ఇంట్లోనే ఉన్నానని సునీల్ యాదవ్ ఈడీకి వాంగ్మూలం ఇచ్చినట్లు సమాచారం.
కేసుకు సంబంధించిన ఆర్థిక లావాదేవీలు, ఫోన్ కాల్ డేటా, డిజిటల్ ఆధారాలపై ఈడీ దర్యాప్తు కొనసాగిస్తున్న నేపథ్యంలో సునీల్ యాదవ్ విచారణకు ప్రాధాన్యం ఏర్పడింది.
