విలీన గ్రామాల్లో ఉపాధి పనులు కల్పించాలి. పాలకొల్లు ఎంపీడీవోకు వ్యవసాయ కార్మిక సంఘం నాయకుల వినతి.
పాలకొల్లు, మేజర్ న్యూస్ పాలకొల్లు మున్సిపాలిటీలో విలీనమైన ఏడు గ్రామాల్లో ఉపాధి పనులు కల్పించాలని ఆంధ్రప్రదేశ్ వ్యవసాయ కార్మిక సంఘం నాయకులు ప్రభుత్వాన్ని డిమాండ్ చేశారు. ఈ మేరకు పాలకొల్లు ఎంపీడీవోకు బుధవారం మెమొరాండం అందజేశారు.
ఈ సందర్భంగా వ్యవసాయ కార్మిక సంఘం జిల్లా ఉపాధ్యక్షుడు ఏ. రవి, జిల్లా అధ్యక్షుడు బి. జార్జి మాట్లాడుతూ పాలకొల్లు మండలంలోని వర్ధనం, రూరల్ పంచాయతీ, పూలపల్లి, ఉల్లంపర్రు, బాగ్గేశ్వరం, ఎలమంచిలి గ్రామాలతో పాటు ఎలమంచిలి మండలంలోని కొంతేరు, అడవిపాలెం గ్రామాలు పాలకొల్లు మున్సిపాలిటీలో విలీనమయ్యాయని తెలిపారు. ఈ ఏడు గ్రామాల్లోని వ్యవసాయ కార్మికులకు ఉపాధి పనులు కల్పించాలని కోరారు. గ్రామాలతో పాటు పట్టణ ప్రాంతాల్లోనూ వీబీజీ రాంజీ పనులు అమలు చేయాలని ప్రభుత్వాన్ని డిమాండ్ చేశారు. ఈ కార్యక్రమంలో మండల నాయకులు సత్యం, శెట్టి పురుషోత్తం పాల్గొన్నారు.
