వెన్నెముక శస్త్రచికిత్స చేయించుకున్న మహిళకు వీల్‌చైర్..

శ్రీకాకుళం, సూర్య:  ఆపదలో ఉన్నవారికి అండగా నిలవడం, అవసరమైన సహాయం అందించడం అభినందనీయమని చాటుతూ యువనేత ధర్మాన రామ్ మనోహర్ నాయుడు మానవతా దృక్పథంతో ముందుకొచ్చారు. శ్రీకాకుళం కార్పొరేషన్ పరిధిలోని హయత్‌నగర్ డివిజన్ రెల్లి వీధికి చెందిన వొండి అప్పలమ్మకు వీల్‌చైర్ అందజేశారు.

వెన్నెముక శస్త్రచికిత్స చేయించుకున్న అప్పలమ్మ పరిస్థితిని తెలుసుకున్న చీమల తారక్ ఆర్థిక సహకారం అందించారు. ఈ సహకారంతో యువనేత ధర్మాన రామ్ మనోహర్ నాయుడు శనివారం మధ్యాహ్నం ఆమె కుటుంబ సభ్యులకు వీల్‌చైర్‌ను అందజేశారు. ఈ సహాయం బాధితురాలికి కొంత ఊరటనివ్వడంతో పాటు, కుటుంబానికి అండగా నిలిచే ప్రయత్నంగా నిలిచింది.

ఈ కార్యక్రమంలో చీమల తారక్, సీపాన రామారావు, కనపల తేజ, సీపాన మహేంద్ర, అప్పు యాదవ్‌తో పాటు పలువురు యువత పాల్గొన్నారు.

రిపోర్టర్ : గోపాల్ కృష్ణ, నరసన్నపేట, శ్రీకాకుళం జిల్లా.