వేములపల్లికి ఘనంగా జన్మదిన శుభాకాంక్షలు

భట్టిప్రోలు, మేజర్ న్యూస్: ప్రముఖ పారిశ్రామికవేత్త,జువ్వలపాలెం గ్రామానికి చెందిన తెలుగుదేశం పార్టీ సీనియర్ నాయకులు, లక్ష్మీ ఇన్‌ఫ్రాస్ట్రక్చర్ అండ్ డెవలపర్స్ మేనేజింగ్ డైరెక్టర్, వి.ఆర్.కె ఛారిటబుల్ ట్రస్ట్ చైర్మన్  వేములపల్లి రవికిరణ్  జన్మదినోత్సవ సందర్భంగా గుంటూరులోని ఎమ్మెల్యే క్యాంపు కార్యాలయంలో మాజీ మంత్రి, వేమూరు నియోజకవర్గ శాసనసభ్యులు నక్కా ఆనందబాబు ఘనంగా సన్మానించారు. వేములపల్లి రవికిరణ్ ను పట్టుశాలువాతో సత్కరించి, పుష్పగుచ్ఛం అందజేసి హృదయపూర్వక జన్మదిన శుభాకాంక్షలు తెలియజేశారు. ఈ సందర్భంగా నక్కా ఆనందబాబు మాట్లాడుతూ రవికిరణ్ ఆయురారోగ్యాలతో, సుఖసంతోషాలతో వర్ధిల్లుతూ, మరిన్ని ఉన్నత శిఖరాలను అధిరోహించాలని, వ్యాపార, సేవా రంగాలతో పాటు ప్రజాసేవలో మరింత ముందుకు సాగాలని ఆకాంక్షించారు.ఉమ్మడి వేమూరు నియోజకవర్గ వ్యాప్తంగా,ముఖ్యంగా భట్టిప్రోలు మండలంలో తెలుగుదేశం పార్టీ బలోపేతానికి రవికిరణ్ అందిస్తున్న సహకారం అభినందనీయమని, వి.ఆర్.కె ఛారిటబుల్ ట్రస్ట్ ద్వారా చేస్తున్న సేవా కార్యక్రమాలు స్ఫూర్తిదాయకమని ఎమ్మెల్యే ఆనందబాబు కొనియాడారు.