వీఎస్యూలో ప్రి-రిపబ్లిక్ డే పరేడ్ ఎంపికలు
వీఎస్యూలో ప్రి-రిపబ్లిక్ డే పరేడ్ ఎంపికలు
వెంకటాచలం మేజర్ న్యూస్ : విక్రమ సింహపురి విశ్వవిద్యాలయంలో ఎన్ఎస్ఎస్ ఆధ్వర్యంలో ప్రి-రిపబ్లిక్ డే పరేడ్ క్యాంప్కు యూనివర్సిటీ స్థాయి ఎంపికలు నిర్వహించారు. ఈ కార్యక్రమానికి వీసీ ఆచార్య అల్లం శ్రీనివాసరావు, రిజిస్ట్రార్ ఆచార్య కె. సునీత, ఏపీ స్టేట్ ఎన్ఎస్ఎస్ ఆఫీసర్ డా. ఎం. సుధార్, హైదరాబాద్ రీజినల్ డైరెక్టర్ ఆర్. సైదా నాయక్ హాజరయ్యారు.
ఎంపికల్లో భాగంగా 110 మంది ఎన్ఎస్ఎస్ వాలంటీర్లకు ఫిజికల్ టెస్ట్, రన్నింగ్, మార్చ్ఫాస్ట్, డ్యాన్స్, డ్రాయింగ్, ఇంటర్వ్యూ తదితర పరీక్షలు నిర్వహించారు. ప్రతిభ కనబరిచిన వాలంటీర్లను తదుపరి దశకు ఎంపిక చేశారు.ఎన్ఎస్ఎస్ కోఆర్డినేటర్ డా. అల్లం ఉదయ శంకర్ మాట్లాడుతూ.. ఎంపికల్లో ప్రతిభ కనబరిచిన ఇద్దరు వాలంటీర్లు తదుపరి దశలో ఢిల్లీలో నిర్వహించే రిపబ్లిక్ డే పరేడ్ క్యాంప్కు ఎంపికయ్యే అవకాశం ఉందన్నారు. ఎన్ఎస్ఎస్ ద్వారా విద్యార్థుల్లో దేశభక్తి, క్రమశిక్షణ, నాయకత్వ లక్షణాలు, సేవాభావాన్ని పెంపొందించడమే కార్యక్రమం ఉద్దేశ్యమని తెలిపారు.కార్యక్రమంలో ఎన్సీసీ అధికారి బి. పెంచల ప్రసాద్, మైభారత్ కేంద్రం నెల్లూరు యువజన అధికారి బి. శశికాంత్ రెడ్డి, ఎన్ఎస్ఎస్ ప్రోగ్రామ్ అధికారులు డా. బి.వి. సుబ్బారెడ్డి, డా. సుచరిత, డా. శంకర్ తదితరులు పాల్గొన్నారు.
