వైసీపీని వీడి తెలుగుదేశం పార్టీలో చేరిన 20 కుటుంబాలు

​కావలి, మేజర్ న్యూస్ :   కావలి పట్టణంలో వైఎస్సార్ కాంగ్రెస్ పార్టీకి గట్టి ఎదురుదెబ్బ తగిలింది. ముఖ్యమంత్రి చంద్రబాబు నాయుడు సారథ్యంలోని కూటమి ప్రభుత్వ సంక్షేమ, అభివృద్ధి కార్యక్రమాలకు ఆకర్షితులై, స్థానిక ఎమ్మెల్యే కావ్య కృష్ణారెడ్డి నాయకత్వంపై నమ్మకంతో వైసీపీ నుంచి టీడీపీలోకి చేరికలు కొనసాగుతున్నాయి. ఇందులో భాగంగా గురువారం పట్టణంలోని కొత్త 44వ వార్డుకు చెందిన సుమారు 20 కుటుంబాలు వైసీపీని వీడి, ఎమ్మెల్యే కావ్య కృష్ణారెడ్డి సమక్షంలో తెలుగుదేశం పార్టీ తీర్థం పుచ్చుకున్నాయి.   ​ఈ సందర్భంగా పార్టీలో చేరిన వారికి ఎమ్మెల్యే కావ్య కృష్ణారెడ్డి పసుపు కండువాలు కప్పి సాదరంగా ఆహ్వానించారు. అనంతరం ఆయన మాట్లాడుతూ, పార్టీలో చేరిన ప్రతి ఒక్కరికీ సముచిత గౌరవం, తగిన ప్రాధాన్యత ఉంటుందని భరోసా ఇచ్చారు. వార్డు అభివృద్ధికి, ప్రజా సమస్యల పరిష్కారానికి అందరం కలిసికట్టుగా పనిచేద్దామని పిలుపునిచ్చారు.   ​ఎమ్మెల్యే కావ్య కృష్ణారెడ్డి పనితీరు, ప్రజలకు నిత్యం అందుబాటులో ఉండే విధానం నచ్చే తాము టీడీపీలో చేరినట్లు ఆయా కుటుంబాల సభ్యులు తెలిపారు. ఈ కార్యక్రమంలో స్థానిక టీడీపీ నాయకులు, కార్యకర్తలు పాల్గొన్నారు.