తుఫాను తీవ్రత పెరగకుండానే ముందే అంధకారంలో పరవాడ
తుఫాను తీవ్రత పెరగకుండానే ముందే అంధకారంలో పరవాడ
-తుఫాను తీవ్రత పెరగకుండానే ముందే అంధకారంలో పరవాడ
-విద్యుత్ అధికారుల తీరుతో రోజంతా విద్యుత్ కోత
తీవ్ర ఇబ్బంది పడుతున్న వినియోగదారులు
విద్యుత్ అధికారుల తీరుతో పరవాడకు తుఫాను రాకముందే అంధకారంలోకి చేరుకుంది. మంగళవారం ఉదయం నుండి రాత్రి వరకు విద్యుత్ సరఫరా లేకపోవడంతో పరవాడలోను, మండలంలో అనేక గ్రామాల ప్రజలు ఇబ్బంది పడుతున్నారు. తుఫాను చర్యలులో భాగంగా ముందుగానే లైన్లు సరిచూసుకోమని , తప్పని పరిస్థితి ఏర్పడితే తప్ప విద్యుత్ నిలుపుదల చేయకూడదని అధికారులు చెబుతున్న
పరవాడలో మాత్రం కనిపించలేదు. ఉదయం నుండి విద్యుత్ సరఫరా ఆగిపోవడం రాత్రి కూడా రాకపోవడంతో వినియోగదారులు అనేక ఇబ్బందులు పడుతున్నారు. విద్యుత్ ఎప్పుడు వస్తుందో కూడా స్థానికంగా ఉన్న అధికారులు, సిబ్బంది చెప్పలేకపోవడం చాలా విచిత్రకరంగా ఉందని పలువురు నిరసన వ్యక్తం చేస్తున్నారు. నాణ్యమైన విద్యుత్తును అందిస్తామని అంటూ పరవాడలో అనధికారకంగా విద్యుత్ కోత పెట్టడం విద్యుత్ అధికారులకు తీరుకు అర్థం పడుతుంది. తుఫాను తీవ్రత ఎక్కువ అయినప్పుడు విద్యుత్ కోత విధించిన పర్వాలేదు కానీ చిరుగాలులు, చిన్నపాటి వర్షానికి పూర్తిస్థాయిలో విద్యుత్ ఆపేసి వినియోగదారులను విసిగిస్తున్న విద్యుత్ అధికారులుపై ఉన్నతాధికారులు తగిన విచారణ చేసి బాధ్యులపై కఠిన చర్యలు తీసుకోవాలని పలువురు కోరుతున్నారు. దీనిపై అనకాపల్లి ఆపరేషన్ సూపరిండెంట్ ఇంజనీర్ ను వివరణ కోరడానికి ప్రయత్నించిన ఫోన్ సిగ్నల్స్ పనిచేయకపోవడంతో ఫోన్ లైన్ కలవలేదు.
