andhrapradesh
టోల్‌ ప్లాజా వద్ద టిప్పర్ల అడ్డగింత.. ఉద్రిక్తత.
గన్నవరం, అక్టోబర్ 4 మేజర్ న్యూస్ ప్రతినిధి. (గుర్రం ప్రసాద్).
కృష్ణా జిల్లా, గన్నవరం మండలం, వెదురు పావులూరు టోల్‌ ప్లాజా వద్ద ఆదివారం టిప్పర్‌ లారీల అడ్డగింతతో కొద్దిసేపు ఉద్రిక్తత నెలకొంది. ఏలూరు నుంచి గుంటూరు వైపు వెళ్లే మార్గంలోని ఆరు టోల్‌ గేట్లకు అడ్డంగా సుమారు 20 టిప్పర్‌ లారీలు నిలిపివేశారు. టోల్‌ రుసుము చెల్లించిన తర్వాతే లారీలను అనుమతిస్తామని టోల్‌ ప్లాజా సిబ్బంది స్పష్టం చేశారు. దీనిపై డ్రైవర్లు స్పందిస్తూ.. ప్రభుత్వ ప్రాజెక్టు పనుల కోసం మట్టిని తరలిస్తున్నామని తెలిపారు. దీంతో ఇరువర్గాల మధ్య వాగ్వాదం చోటుచేసుకుంది. సమాచారం అందుకున్న గన్నవరం పోలీసులు సంఘటనా స్థలానికి చేరుకుని పరిస్థితిని అదుపులోకి తెచ్చారు. టోల్‌ రుసుము చెల్లించి, సంబంధిత సంస్థ నుంచి ఆ మొత్తాన్ని వసూలు చేసుకోవాలని డ్రైవర్లకు సూచించారు.
