టీడీపీలోకి 20 కుటుంబాలు

- ఎమ్మెల్యే బగ్గు రమణమూర్తి సమక్షంలో పసుపు కండువాలు కప్పుకున్న వైసీపీ నాయకులు

నరసన్నపేట అక్టోబర్ 18 మేజర్ న్యూస్: నరసన్నపేట మండలం బాడాం పంచాయతీ పరిధిలోని చిన్న బాడాం గ్రామానికి చెందిన వైఎస్సార్ కాంగ్రెస్ పార్టీ నాయకులు, కార్యకర్తలు తెలుగుదేశం పార్టీలో చేరారు. వైసీపీకి చెందిన సురవరపు సద్గుణమూర్తి, చింతు సుందరరావు, చింతు సూరిబాబు, యారబాటి మల్లేశ్వరరావు, యర్లెంకి అప్పలనాయుడు, నడుపూరి అప్పిలి, బొట్ట దొరబాబు, బమ్మిడి జయరాం, బొట్ట పరమేశ్వరి, జామ్మన భూలక్ష్మి తదితరులతో పాటు సుమారు 20 కుటుంబాల సభ్యులు వైసీపీ ప్రాథమిక సభ్యత్వానికి రాజీనామా చేసి టీడీపీలో చేరారు.

ఈ సందర్భంగా నరసన్నపేట ఎమ్మెల్యే బగ్గు రమణమూర్తి వారికి పసుపు కండువాలు కప్పి పార్టీలోకి సాదరంగా ఆహ్వానించారు.

కూటమి పాలనకు ఆకర్షితులై చేరిక

టీడీపీలో చేరిన నాయకులు మాట్లాడుతూ ముఖ్యమంత్రి నారా చంద్రబాబు నాయుడు నాయకత్వంలో రాష్ట్రంలో అమలవుతున్న సంక్షేమ, అభివృద్ధి కార్యక్రమాలతో పాటు నరసన్నపేట నియోజకవర్గంలో ఎమ్మెల్యే బగ్గు రమణమూర్తి అందిస్తున్న ప్రజామోదయోగ్యమైన పాలనకు ఆకర్షితులై టీడీపీలో చేరినట్లు తెలిపారు. గ్రామంలో పార్టీ బలోపేతానికి, భవిష్యత్తులో పార్టీ అభివృద్ధికి తమ వంతు కృషి చేస్తామని వెల్లడించారు.

ఈ కార్యక్రమంలో మాజీ సర్పంచ్ తాడేల కోటిబాబు, యూనిట్ ఇన్‌ఛార్జి శివాల అనీల్ నాయుడు, కొత్తూరు జగజ్జీవనరావు, తమ్మినేని అప్పన్న తదితరులు పాల్గొన్నారు.