స్థానిక ఎన్నికలకు పార్టీ శ్రేణులు సిద్ధం కావాలి -ఎమ్మెల్యే, పియుసి కమిటీ చైర్మన్ కూన రవికుమార్

ఆమదాలవలస, అక్టోబర్ 17, మేజర్ న్యూస్ 
ఆమదాలవలస మండలంలో స్థానిక ఎన్నికల సన్నాహాల్లో భాగంగా మండల నాయకులు, పార్టీ కార్యకర్తలతో ఆమదాలవలస ఎమ్మెల్యే,రాష్ట్ర పీయూసీ కమిటీ చైర్మన్ కూన రవికుమార్ శనివారం కార్యకర్తలతో కొర్లకోట సమీపంలో కళ్యాణ మండపంలో సమావేశం నిర్వహించారు.ఈ సందర్భంగా స్థానిక ఎన్నికలకు పార్టీ శ్రేణులను సమాయత్తం చేయడం, క్షేత్రస్థాయిలో పార్టీని మరింత బలోపేతం చేయడం, నాయకులు, కార్యకర్తల మధ్య సమన్వయంతో ముందుకు సాగడంపై చర్చించారు. ప్రజలకు నిత్యం అందుబాటులో ఉంటూ వారి సమస్యలను తెలుసుకుని పరిష్కారానికి కృషి చేయాలని సూచించారు. కూటమి ప్రభుత్వం అమలు చేస్తున్న అభివృద్ధి, సంక్షేమ కార్యక్రమాలను ప్రజల్లోకి విస్తృతంగా తీసుకెళ్లాలని, పార్టీ విజయమే లక్ష్యంగా ప్రతి ఒక్కరూ సమష్టిగా పనిచేయాలని ఎమ్మెల్యే కూన రవికుమార్ నాయకులు, కార్యకర్తలకు దిశానిర్దేశం చేశారు. ఈ నెలాఖరున జరగబోయే స్థానిక ఎన్నికలను దృష్టిలో ఉంచుకుని ప్రతిరోజు  పటిష్ఠమైన కార్యాచరణతో కార్యకర్తలు ముందుకు సాగాలని పిలుపునిచ్చారు. ఈ కార్యక్రమంలో జనసేన ఇంచార్జ్ పేడాడ రామ్మోహన్రావు, బిజెపి ఇన్చార్జ్ పేడాడ సూరపునాయుడు, రాష్ట్ర కళింగ కార్పొరేషన్ డైరెక్టర్ తమ్మినేని చంద్రశేఖర్,  తమ్మినేని సుజాత, నూక రాజు, సనపల డిల్లేశ్వరరావు, తమ్మినేని నాని, ఎండ అప్పలనాయుడు, గోండు రమణమూర్తి, తమ్మినేని లక్ష్మీనారాయణ, కార్యకర్తలు, టిడిపి అభిమానులు పాల్గొన్నారు.