సిరివెళ్ల వైకాపా నాయకులతో గంగుల సమావేశం

సిరివెళ్ల మండల వైసీపీ నాయకులతో మాజీ విప్ గంగుల సమావేశం 
ఆళ్లగడ్డ మేజర్ న్యూస్ 
స్థానిక సంస్థల ఎన్నికలకు రెండు రోజుల్లో నోటిఫికేషన్ రానున్న నేపథ్యంలో శాసనమండలి మాజీ విప్ గంగుల ప్రభాకర్ రెడ్డి ఆదివారం పట్టణంలోని వైసీపీ కార్యాలయంలో సిరివెళ్ల మండల వైసీపీ నాయకులతో సమావేశం నిర్వహించారు. ఈ సందర్భంగా గంగుల ప్రభాకర్ రెడ్డి మాట్లాడుతూ గ్రామపంచాయతీ సర్పంచ్, వార్డులకు సంబంధించి రిజర్వేషన్లు ఖరారు కానున్నాయని ఎన్నికలకు అందరూ సిద్ధంగా ఉండాలని ఎన్నికల్లో తెదేపాకుగట్టి పోటీ నివ్వాలని 
సూచించారు. కూటమి ప్రభుత్వం ప్రజలకు ఇచ్చిన హామీలను అమలు చేయడంలో విఫలమైన విషయాన్ని ప్రజల దృష్టికి తీసుకెళ్లాలని ఆయన సూచించారు. ఎన్నికలకు అందరూ సిద్ధంగా ఉండాలని ఆయన పిలుపునిచ్చారు. ఈ కార్యక్రమంలో విజయ డైరీ చైర్మన్ ఎస్వి జగన్మోహన్ రెడ్డి, సింగం వెంకటేశ్వర్ రెడ్డి, డాక్టర్ శీలం సురేంద్రనాథ్ రెడ్డి లు పాల్గొన్నారు.