శాప్ కార్యాలయం వద్ద ఉపాధ్యాయులపై జరిగిన దాడిని తీవ్రంగా ఖండిస్తున్నాం ఎస్టీయు

-దాడులకు యత్నించిన వారిపై కఠిన చర్యలు తీసుకోవాలి 

-రాష్ట్ర ఉపాధ్యాయ సంఘం STU AP

సోమవారం శాప్ కార్యాలయం వద్ద జరిగిన ఘటనను STU  తీవ్రంగా ఖండిస్తోందని, ఓ బాధ్యత కలిగిన ఉపాధ్యాయ సంఘంగా జరుగుతున్న పరిణామాలను చూస్తూ మౌనంగా ఉండలేకపోతున్నాం. అని సంఘ నాయకుల ముఖ్య సమావేశంలో జిల్లా అధ్యక్షులు చంద్రశేఖర్, జిల్లా కార్యదర్శి ఆజాం బేగ్, రాష్ట్ర అదనపు కార్యదర్శి వెంకటరామిరెడ్డి, శివశంకర్ రాష్ట్ర ఉపాధ్యక్షులు తెలియజేశారు.  తమపై బురద జల్లొద్దని, తమ గౌరవానికి భంగం కలిగించవద్దంటూ ఉపాధ్యాయులే సమావేశాలు, నిరసనలు చేపట్టాల్సిన పరిస్థితి రావడం బాధాకరమైతే... ఇవాళ శాప్ కార్యాలయం వద్ద జరిగిన ఘటన మరింత ఆవేదన కలిగిస్తోంది. ఉపాధ్యాయులను, ఉద్యోగులను రాజకీయాల్లోకి లాగడం, వాస్తవాలు నిర్ధారించకుండానే వారిపై ముద్ర వేయడం సరికాదని భావిస్తున్నాం. ఉద్యోగులు, ఉపాధ్యాయుల గౌరవాన్ని కాపాడాల్సిన బాధ్యత ప్రభుత్వం మీద, రాజకీయ పార్టీల మీద ఉంటుంది. ఈ తరహా ఘటనలు పునరావృతం కాకూడదు. ఉపాధ్యాయులపై దాడులకు ప్రయత్నించిన వారిని కఠినంగా శిక్షించాలని ప్రభుత్వాన్ని కోరుతున్నాం.
DSC పరీక్షలో పాల్గొని అర్హత మార్కులు సాధించి , వారు వద్ద ఉన్న సర్టిఫికెట్లను కూడా చూపుతున్న విషయాలను కూడా పట్టించుకోకుండా మొత్తం ఉపాధ్యాయుల నియామకాలన్నీ తప్పు అని చెప్పడం సరైన చర్య కాదు. ఈ సమావేశంలో పాల్గొన్న నాయకులు గోపాలకృష్ణ, నాగేంద్ర కుమార్, జిల్లా ఆర్థిక కార్యదర్శి నూరుల్లా, నరసింహారావు, నాగేశ్వర నాయక్, సుబ్బయ్య, ఎల్లా సుబ్బయ్య , సుబ్బారెడ్డి, కృష్ణారెడ్డి , గురునాదు , రామిరెడ్డి, దేవేందర్ రెడ్డి, బదుల్లా,తదితరులు పాల్గొన్నారు.