సర్వేపల్లిలో టిడిపి ఖాళీ - కాకాణి"

వెంకటాచలం , మేజర్ న్యూస్  :నెల్లూరు నగరంలోని మాజీ మంత్రి వర్యులు ఉమ్మడి నెల్లూరు జిల్లా వైఎస్ఆర్ కాంగ్రెస్ పార్టీ జిల్లా అధ్యక్షులు "డా" కాకాణి గోవర్ధన్ రెడ్డి నివాసంలో ,వెంకటాచలం మండలం, కురిచర్లపాడు పంచాయతీ, ఇస్లాంపేటకు చెందిన 30 కుటుంబాలు తెలుగుదేశం పార్టీని వీడి వైయస్సార్‌ కాంగ్రెస్ పార్టీలో చేరారు

తెలుగుదేశం పార్టీని వీడి వైఎస్ఆర్ కాంగ్రెస్ పార్టీలో చేరిన వారికి పార్టీ కండువా కప్పి, సాదరంగా పార్టీలోకి ఆహ్వానించిన కాకాణి

మాజీ మంత్రి కాకాణి గోవర్ధన్ రెడ్డి  మాట్లాడుతూ..

అధికారం వదలుకొని ప్రతిపక్షంలో ఉన్న జగన్‌మోహన్ రెడ్డి నాయకత్వాన్ని బలపరుస్తూ, 30 కుటుంబాలు వైఎస్ఆర్ కాంగ్రెస్ పార్టీకి అండగా నిలవాలనే ఉద్దేశంతో స్థానిక సంస్థల ఎన్నికలను దృష్టిలో ఉంచుకొని టిడిపిని వీడి వైఎస్ఆర్సిపి లో చేరడం శుభ సూచికమన్నారు, రాబోయే రోజుల్లో సర్వేపల్లి నియోజకవర్గంలో టిడిపి ఖాళీ కాబోతుందని జోస్యం చెప్పారు

స్థానిక ఎన్నికలలో  నెల్లూరు జిల్లాలో ఉన్న అన్ని ఎంపీటీసీలు, జడ్పీటీసీలు, మున్సిపాలిటీలకు సంబంధించిన కౌన్సిలర్లు, చైర్మన్లు మరియు నెల్లూరు నగర కార్పొరేషన్ మేయర్‌ ,వార్డులతో సహా అన్ని స్థానాల్లో వైఎస్ఆర్ కాంగ్రెస్ పార్టీ విజయం సాధించేలా చేసేందుకు పార్టీ శ్రేణులు తీవ్రంగా కృషి చేస్తున్నారని పేర్కొన్నారు. ఎన్ని ఇబ్బందులు ఎదురైనా, పోలీసుల ఒత్తిళ్లు ఉన్నప్పటికీ లెక్కచేయకుండా వైఎస్ఆర్ కాంగ్రెస్ పార్టీ నాయకులు, కార్యకర్తలు స్థానిక సంస్థల ఎన్నికల విజయమే లక్ష్యంగా ముందుకు సాగుతున్నారని పేర్కొన్నారు

తాము వేరే పార్టీలోకి మారినట్లు వార్తలు రావడంతో మనస్థాపం చెంది తిరిగి వైఎస్ఆర్ కాంగ్రెస్ పార్టీలోనే కొనసాగాలని నిర్ణయించుకుని పార్టీలోకి తిరిగి రావడం జరిగిందని పార్టీలో చేరిన వారు చెప్పడం సంతోషంగా ఉందన్నారు.
సర్వేపల్లిలో తెలుగుదేశం దాదాపుగా ఖాళీ అయ్యే పరిస్థితులు కనిపిస్తున్నాయని ,వై ఎస్ ఆర్ కాంగ్రెస్ పార్టీలో చేరేందుకు ఆసక్తి కనబరచడంతో దిక్కు తోచని స్థితిలో తెలుగుదేశం వారికి కండువాలు కప్పి చేరికల పేరిట డ్రామాలు ఆడడం చూసి ప్రజలు నవ్వుకుంటున్నారని ఎద్దేవా చేసారు.
తెలుగుదేశం పార్టీని వీడి వై ఎస్ ఆర్ కాంగ్రెస్ పార్టీలో చేరిన వారందరికీ,చేర్పించిన స్థానిక నాయకులకు కాకాణి ధన్యవాదాలు తెలియచేశారు