సరస్వతీ దేవి అలంకారంలో గంగానమ్మ అమ్మవారు

జంగారెడ్డిగూడెం-మేజర్ న్యూస్ పట్టణంలో కొలువై ఉన్న గ్రామదేవత శ్రీ శ్రీ శ్రీ గంగానమ్మ అమ్మవారి దసరా నవరాత్రి ఉత్సవాల్లో భాగంగా ఆరవ రోజు శుక్రవారం అమ్మవారు శ్రీ సరస్వతీ దేవి అలంకారంలో భక్తులకు దర్శనమిచ్చారు. ఉదయం 7 గంటల నుంచి ఆలయ ప్రాంగణంలో 600 మంది చిన్నారులతో సామూహిక సరస్వతీ పూజలు అత్యంత వైభవంగా నిర్వహించారు.ప్రధాన పూజల్లో బంగారు సూర్యనారాయణ, రాజాన సత్యనారాయణ, మాడా గణేష్, రామకృష్ణ మెడికల్స్ చైతన్య దంపతులు, విద్యావికాస్ విద్యాసంస్థల కుటుంబ సభ్యులు పాల్గొని ప్రత్యేక పూజలు నిర్వహించారు.అమ్మవారి అలంకరణ నిమిత్తం స్వర్ణ మందిర్‌కు చెందిన కందులపాటి శ్రీనివాసరావు దంపతులు చీరను సమర్పించారు. ఉదయం ప్రసాదాన్ని అభిలాష్ రెడ్డి, లక్ష్మి, త్రివేణిరెడ్డి కుమార్తె అన్యారెడ్డి, భరత్ రెడ్డి–సాయిలక్ష్మి దంపతులు అందించగా, సాయంత్రం ప్రసాదాన్ని వెంకట సాయి దుర్గా బుక్స్ అండ్ స్టేషనరీ, మేడిచెర్ల రామకృష్ణ సమకూర్చారు.

వేకువజాము నుంచే భక్తులు, గ్రామ పెద్దలు పెద్ద సంఖ్యలో ఆలయానికి చేరుకుని అమ్మవారిని దర్శించుకున్నారు. సిటీకేబుల్ ఎండీ పాలపర్తి శ్రీనివాస్, ఆర్డీఓ ఎం.వి. రమణ, పట్టణ సీఐ ఎం.వి. సుభాష్ తదితర ప్రముఖులు అమ్మవారిని దర్శించుకుని ప్రత్యేక పూజల్లో పాల్గొన్నారు.

 రిపోర్టర్ కెవి రమణ రావు జంగారెడ్డిగూడెం ఏలూరు జిల్లా