రీ సర్వే పాస్ పుస్తకాలను రైతులకు పంపిణీ చేసిన ఎమ్మెల్యే పరిటాల సునీతమ్మ

రీ సర్వే పాస్ పుస్తకాలను రైతులకు పంపిణీ చేసిన ఎమ్మెల్యే పరిటాల సునీతమ్మ

రామగిరి మేజర్ న్యూస్ : కూటమి ప్రభుత్వం రైతు సంక్షేమ ప్రభుత్వం అని ఎమ్మెల్యే పరిటాల సునీతమ్మ పేర్కొన్నారు. మంగళవారం రామగిరి మండలం కుంటిమద్ది గ్రామంలో ఏర్పాటు చేసిన ప్రత్యేక కార్యక్రమంలో ఆమె రైతులకు నూతన పట్టాదార్ పాస్ పుస్తకాలను పంపిణీ చేశారు. గ్రామానికి వచ్చిన ఎమ్మెల్యే సునీతకు స్థానిక నాయకులు, గ్రామస్థులు ఘన స్వాగతం పలికారు. అనంతరం రెవెన్యూ అధికారులు, టీడీపీ నాయకులతో కలసి పాసు పుస్తకాలు పంపిణీ చేశారు. గ్రామంలో మొత్తం 1,450 పాస్ బుక్స్ ఉండగా, మొదటి విడతగా ప్రస్తుతం 1,280 పాస్ పుస్తకాలను రైతులకు అందజేశారు. ఈ కార్యక్రమంలో టిడిపి సీనియర్ నాయకుడు రామ్మూర్తి నాయుడు , రాష్ట్ర కార్యదర్శి  రంగయ్య, యువ నాయకులు మారుతి ప్రసాద్, కన్వీనర్ సుధాకర్, మండల రెవెన్యూ అధికారులు పాల్గొన్నారు.