రావులపాలెం పంచాయతీ కార్యదర్శి స్వచ్ఛంద అవార్డు

రావులపాలెం పంచాయతీ కార్యదర్శికి స్వచ్చాంద్రా అవార్డు

సిఎం చంద్రబాబు చేతులమీదుగా

రావులపాలెం మేజర్ న్యూస్

రావులపాలెం గ్రామపంచాయతీ కార్యదర్శి ఎల్.దుర్గాప్రసాద్ స్వచ్ఛాంధ్ర - స్వర్ణాంద్ర అవార్డును ముఖ్యమంత్రి చంద్రబాబు నాయుడు చేతుల మీదుగా అందుకున్నారు. గాంధీ జయంతి సందర్భంగా శుక్రవారం విజయవాడలో జరిగిన ఈ అవార్డుల ప్రదానోత్సవం కార్యక్రమంలో పారిశుధ్య నిర్వహణకు సంబంధించి గ్రామ పంచాయతీ,మున్సిపాలిటీ తదితర విభాగాలకు  ఈ అవార్డులను అందజేశారు. ఇంటింటికి చెత్త సేకరణ, అలాగే చెత్త నుండి సంపద తయారీ కేంద్రం నిర్వహణ తదితర విషయాల్లో ఈ పంచాయతీకి అవార్డు దక్కింది.  అంతేగాక ఎప్పటికప్పుడు  సదస్సులు, ర్యాలీలు నిర్వహించి ప్రజలకు తడిపొడి చెత్త సేకరణపై అవగాహన కల్పించడం  వంటి అంశాలను పరిగణనలోకి తీసుకుని ఈ అవార్డుకు ఎంపిక చేశారు.రాష్ట్రవ్యాప్తంగా 12 గ్రామపంచాయతీలు ఈ అవార్డుకు ఎంపికయ్యాయి. అందులో డాక్టర్ బీఆర్ అంబేద్కర్ కోనసీమ జిల్లాకు సంబంధించి రావులపాలెం గ్రామ పంచాయతీ దక్కింది.కార్యదర్శి దుర్గాప్రసాద్ తో పాటు జిల్లా పంచాయతీ అధికారిణి డి‌ శాంత లక్ష్మిలు ఈ అవార్డు అందుకున్న వారిలో ఉన్నారు.