రావివలస పంచాయతీ మాజీ సర్పంచ్ రమణ మృతి

చీపురుపల్లి, సూర్య : మండలంలోని రావివలస గ్రామ పంచాయతీ మాజీ సర్పంచ్ గుషిడి రమణ (70) అనారోగ్యంతో శుక్రవారం మృతి చెందారు. నాటు వైద్యం చేయడంలో మంచి నైపుణ్యం కలిగిన వ్యక్తిగా గుర్తింపు పొందారు. చుట్టుప్రక్క గ్రామాల ప్రజలే కాకుండా సుదూర ప్రాంతాల నుంచి కూడా వైద్యం కోసం ఈయనవద్దకు వచ్చేవారు. శరీరంలో ఎక్కడి ఎముకలు విరిగిన, బెణికిన రమణ చేతితో నూనె రాసి వెదురు కర్రలు, కాటన్ గుడ్డలతో కట్టే కట్టుతో మంచి ఫలితాలు వచ్చేవి. 1983 నుంచి తెలుగు దేశం పార్టీ సీనియర్ కార్యకర్తగా పార్టీ బలోపేతానికి ఎంతో కృషి చేసారు.  2014-2019 మధ్య రావివలస సర్పంచిగా సేవలు అందించారు.  ఈయన మృతి సమాచారం తెలుసుకున్న టీడీపీ, వైసీపీ నాయకులు రమణ పార్ధీవ దేహానికి పూల మాలలు వేసి నివాళులు అర్పించారు.