రాజరాజేశ్వరిగా కామాక్షిదేవికి పూజలు

సిఎస్ పురం,మేజర్ న్యూస్,,విజయదశమి పండుగను పురస్కరించుకుని జరుగుతున్న దేవీశరన్నవరాత్రి ఉత్సవాల సందర్భంగా మంగళవారం  మండలకేంద్రమైన సిఎస్ పురంలోని మహిమాన్వితమైన అతిపురాతన శ్రీకామాక్షి సమేత చంద్రమౌళీశ్వరస్వామి దేవస్థానంలో దసరా సందర్భంగా శ్రీకామాక్షి అమ్మవారిని శ్రీరాజరాజేశ్వరిదేవిగా అలంకరణ చేసి పూజలను దేవస్థానం అర్చకులు కొల్లిపరశ్రీకృష్ణశర్మ వైభవంగా పూజలు నిర్వహించారు. ఈసందర్భంగా ఉదయం శ్రీకామాక్షి చంద్రమౌళీశ్వర స్వామివార్లకు పంచామృత అభిషేకం పూజలు నిర్వహించి అనంతరం పట్టువస్త్రాలు పూలమాలలతో ప్రత్యేక అలంకరణలు చేసి పూజలు చేశారు.దసరా పండుగను పురస్కరించుకుని దేవస్థానం ఆవరణమంతా పూలమాలలతో అందంగా అలంకరించారు.ఈసందర్భంగా కామాక్షి అమ్మవారిని రాజరాజేశ్వరిదేవిగా అలంకరణ చేసి కుంకుమార్చన విశేషపూజలు నిర్వహించారు. అదేవిధంగా దేవీశరన్నవరాత్రి ఉత్సవాల సందర్భంగా దేవస్థానం నిర్వాహకులు ఉభయదాతలచే నవగ్రహమూర్తులకు కళశాలకు ప్రత్యేక పూజలుచేసి అనంతరం దేవస్థానం ఆవరణలో మేళతాళాలు భక్తుల దేవీనామస్మరణతో అత్యంత వైభవంగా పూర్ణాహుతి కార్యక్రమం నిర్వహించి తదుపరి భక్తులకు తీర్ధప్రసాదాలు అందజేశారు. సాయంత్రం రాజరాజేశ్వరిదేవి అలంకరణలో ఉన్న శ్రీకామాక్షి అమ్మవారిని ప్రత్యేకంగా అలంకరించిన పల్లకీలో ప్రతిష్టించి శమీపూజ నిర్వహించి అనంతరం భక్తుల దేవీనామస్మరణల మధ్య మేళతాళాలతో దేవస్థానం నందు ప్రదక్షిణలు చేసి నైవేద్యాలు సమర్పించి కర్పూరహారతులు ఇచ్చి తీర్ధప్రసాదాలు అందజేశారు. దసరా సందర్భంగా దేవస్థానం ఆవరణ భక్తులతో భక్త జనసందడి నెలకొన్నది. ఈసందర్భంగా దేవీశరన్నవరాత్రి ఉత్సవాలను విజయవంతం చేసిన ప్రతిఒక్కరికి కామాక్షి సమేత చంద్రమౌళీశ్వరస్వామి దేవస్థానం తరపున ప్రత్యేక కృతజ్ఞతలు తెలిపారు.