పులివెందులలో బీటెక్ రవి సమక్షంలో టిడిపిలో చేరిన 50 కుటుంబాలు

*మున్సిపల్ ఎన్నికల వేళ జగన్‌కు భారీ షాక్ ఇచ్చిన బిటెక్ రవి

బీటెక్ రవి సమక్షంలో టిడిపిలో చేరిన 50 కుటుంబాలు

పులివెందుల మేజర్ న్యూస్:

రాబోయే మున్సిపల్ ఎన్నికల నేపథ్యంలో పులివెందులలో రాజకీయ పరిణామాలు ఆసక్తికరంగా మారుతున్నాయి. పులివెందుల మున్సిపాలిటీలోని జెండామాను వీధికి చెందిన పలువురు వైసీపీ నాయకులు, కార్యకర్తలు పులివెందుల టీడీపీ నాయకులు తూగుట్ల మధుసూదన్ రెడ్డి, ఆధ్వర్యంలో జెండామాను చిన్నతో సహా  50 కుటుంబాలు   టీడీపీ ఇంచార్జ్ మారెడ్డి రవీంద్రనాథ్ రెడ్డి (బీటెక్ రవి) గారి సమక్షంలో తెలుగుదేశం పార్టీలో చేరారు.
ఈ సందర్భంగా టీడీపీ నాయకులు నూతనంగా పార్టీలో చేరిన నాయకులు, కార్యకర్తలకు సాదరంగా స్వాగతం పలికారు. రాబోయే మున్సిపల్ ఎన్నికల్లో పార్టీ బలోపేతానికి ప్రతి ఒక్కరూ సమన్వయంతో పనిచేయాలని టీడీపీ నాయకులు పిలుపునిచ్చారు.
పులివెందుల మున్సిపాలిటీ పరిధిలో టీడీపీకి ప్రజల నుంచి వస్తున్న స్పందనకు ఈ చేరికలు నిదర్శనమని నాయకులు పేర్కొన్నారు. పార్టీలో చేరిన నాయకులు, కార్యకర్తలు టీడీపీ సిద్ధాంతాలకు అనుగుణంగా పనిచేస్తూ పార్టీ బలోపేతానికి కృషి చేస్తామని తెలిపారు.
ఈ కార్యక్రమంలో పులివెందుల టీడీపీ నాయకులు,
మద్దూరు వెంకట్రామిరెడ్డి, రాష్ట్ర ఉర్డు &హజ్ కమిటీ డైరెక్టర్ మహబూబ్ బాష పులివెందుల మార్కెట్ యార్డ్ చైర్మన్ గడ్డం అమర్నాథ్ యాదవ్,పులివెందుల పట్టణ అధ్యక్షుడు అన్నారెడ్డి ప్రసాద్ రెడ్డి, నల్లాగారి భాస్కర్ రెడ్డి 
ప్రజాప్రతినిధులు, కార్యకర్తలు, అభిమానులు పాల్గొన్నారు.