ప్రశాంతంగా నామినేషన్ల ప్రక్రియ * తొలి రోజు 11 నామినేషన్లు దాఖలు *

పాచిపెంట, సూర్య :  పాచిపెంట మండలంలో తొలి రోజు నామినేషన్ల ప్రక్రియ ప్రశాంతంగా,పారదర్శకంగా జరిగింది. బుధవారం నాడు ఉదయం 10:30 గంటలకు ప్రారంభించి సాయంత్రం ఐదు గంటల వరకు నామినేషన్లు వేసినట్లు రిటర్నింగ్ అధికారి వి రాధాకృష్ణ తెలిపారు. 14 ఎంపీటీసీల సెగ్మెంట్లుకు సంబంధించి 11 నామినేషన్లు తొలిరోజు దాఖలైనట్లు తెలిపారు. ఈ మేరకు మండల కేంద్రమైన పాచిపెంట ఒకటవ సెగ్మెంట్ అన్ రిజర్వుడు కావడంతో వైసీపీ తరఫున డోల అనూష, డోల బాబ్జి నామినేషన్లు దాఖలు చేశారు. అలాగే పాంచాలి,మాతమూరు సెగ్మెంట్లలో గూడెపు యుగంధర్ తనయురాలు, మోసూరు సెగ్మెంట్లో వైసీపీ నుంచి గండిపల్లి రాము, టిడిపి నుంచి వై గౌరీ శంకర్ నామినేషన్లు వేశారు. గుమ్మడగుడ సెగ్మెంట్ నుంచి ఎర్రజన్ని కన్నయ్య,గొట్టూరు సెగ్మెంట్ లో సిపిఎం నుంచి గెమ్మెల పైడితల్లి, పాచిపెంట 3వ సెగ్మెంట్ వైసీపీ నుంచి మజ్జి మౌనిక, టిడిపి నుంచి అంపోలు గౌతమి నామినేషన్ దాఖలు చేశారు. పనుకువలస సెగ్మెంట్ నుంచి చెల్లూరి హేమంత్ నామినేషన్ వేసినట్లు రిటర్నింగ్ అధికారి రాధాకృష్ణ, ఎంపీడీవో బివిజె పాత్రో, తహసిల్దార్ రవి తెలిపారు. స్థానిక సబ్ ఇన్స్పెక్టర్ లాలం అర్జున్ ఆధ్వర్యంలో పోలీసు బందోబస్తు ఏర్పాటుచేసి ప్రశాంతంగా జరిపించారు. గురు,శుక్రవారాల్లో నామినేషన్లు దాఖలు చేయవలసిన అభ్యర్థులు దాఖలు చేసుకోవచ్చని అధికారులు తెలియజేశారు. ఇంకొక విషయం ఏమిటంటే నామినేషన్ పత్రాలు నింపడంలో ఎటువంటి సమస్యలు ఎదురైనా ఎంపీడీవో ఆఫీసులో ఉపాధ్యాయుల బృందంతో కూడుకున్న  హెల్ప్ డెస్క్ ఏర్పాటు చేశారు. దీంతో అభ్యర్థులు దాదాపుగా ఎటువంటి ఇబ్బందులు లేకుండా తప్పులు లేకుండా నామినేషన్లు నింపుకోవచ్చని అధికారులు చెబుతున్నారు.

రిపోర్టర్ :  ప్రసాద్ రాజు, పార్వతీపురం మన్యం.