పొంగూరులో వాల్మీకి జయంతి వేడుకలు

మర్రిపాడు మేజర్ న్యూస్:    మర్రిపాడుమండలం పొంగూరు బీసీ కాలనీలోని రామాలయంలో మహర్షి వాల్మీకి జయంతి వేడుకలు నియోజకవర్గ వాల్మీకి సంఘం అధ్యక్షులు నల్లబోతుల వెంకటరమణయ్య ఆధ్వర్యంలో సోమవారం ఘనంగా నిర్వహించారు. ఈ సందర్భంగా వాల్మీకి మహర్షి చిత్రపటానికి పూల మాలలు వేసి నివాళులు అర్పించారు. అనంతరం వాల్మీకి సంఘం వ్యవస్థపాపక అధ్యక్షులు బత్తల గోపి తోటి సంఘం నాయకులతో కలిసి కేక్ కటింగ్ చేశారు. అనంతరం ఆయన మాట్లాడుతూ వాల్మీకి, బోయ కులాలను షెడ్యూల్డ్ కులాల తెగలలో చేర్చాలని కోరుతూ గతంలో ప్రధాని నరేంద్రమోడీకి గతంలో టీడీపీ అధినేత చంద్రబాబు లేఖ రాశారన్నారు. మైదాన ప్రాంతాల్లో నివసిస్తున్న వాల్మీకి బోయలు పేదరికంతో బాధపడుతున్నారని ఆనాడు లేఖ ద్వారా తెలిపారన్నారు. వాల్మీకి బోయల స్థితి గతులపై అధ్యయనం చేసేందుకు ప్రొఫెసర్ సత్యపాల్ ఆధ్వర్యంలో కమిటీ ఏర్పాటు చేశారని గుర్తు చేశారు. ఆ కమిటీ ఆధారంగా వాల్మీకి బోయలను ఎస్టీల జాబితాలో చేర్చాలని కోరారు. ఈ కార్యక్రమంలో వాల్మీకి జిల్లా అధ్యక్షులు కామినేని శ్రీనివాసులు, జనరల్ సెక్రటరీ మండ్ల నారాయణ,నాయకులు మండ్ల శ్రీను, రమేష్, రాజీవ్ గాంధీ, మహిళలు పాల్గొన్నారు.