పినపళ్లలో టీడీపీ జోరు... వైసీపీ నుంచి తెలుగుదేశంలోకి చేరికలు...

ఆలమూరు మండలం పినపళ్ల గ్రామంలో తెలుగుదేశం పార్టీలోకి చేరికలు జరిగాయి. వైఎస్ఆర్ కాంగ్రెస్ పార్టీకి చెందిన చోడిశెట్టి కాసు, చోడిశెట్టి దుర్గారావు, తొరటి వీర్రాజు, తొరటి రుద్రయ్య, యేపూరి వీరబాబు, కోట ధనరాజు, పిల్లి శ్రీనివాస్, ఇల్లూరి సురేష్ తదితరులు వైసీపీని వీడి తెలుగుదేశం పార్టీలో చేరారు.కొత్తపేట ఎమ్మెల్యే బండారు సత్యానందరావు వారికి పసుపు కండువాలు కప్పి పార్టీలోకి ఆహ్వానించారు.ఈ సందర్భంగా ఎమ్మెల్యే మాట్లాడుతూ, ముఖ్యమంత్రి నారా చంద్రబాబు నాయుడు నాయకత్వంలో రాష్ట్రంలో అమలవుతున్న అభివృద్ధి, సంక్షేమ కార్యక్రమాలకు ఆకర్షితులై పలువురు టీడీపీలో చేరుతున్నారని తెలిపారు. పినపళ్ల గ్రామ అభివృద్ధికి కృషి చేస్తామని, పార్టీలో చేరిన ప్రతి ఒక్కరికీ సముచిత గౌరవం, ప్రాధాన్యత కల్పిస్తామని పేర్కొన్నారు.