andhrapradesh
పేరలి - తుమ్మలపల్లి నూతన రహదారి నిర్మాణానికి శంకుస్థాపన
బాపట్ల నియోజకవర్గం, కర్లపాలెం మండలంలోని పేరలి గ్రామంలో రూ. 2 కోట్ల భారీ నిధులతో ప్రతిష్టాత్మకంగా చేపట్టనున్న పేరలి నుండి తుమ్మలపల్లి నూతన రహదారి నిర్మాణ పనులకు శంకుస్థాపన కార్యక్రమం అత్యంత ఘనంగా నిర్వహించారు. ఈ కార్యక్రమానికి బాపట్ల నియోజకవర్గ ఎమ్మెల్యే శ్రీ వేగేశన నరేంద్ర వర్మ రాజు గారు ముఖ్య అతిథిగా విచ్చేసి, శాస్త్రోక్తంగా భూమి పూజ చేసి పనులను ప్రారంభించారు. ఈ రోడ్డు నిర్మాణం పూర్తయితే రెండు గ్రామాల మధ్య రవాణా సౌకర్యం మరింత మెరుగుపడటంతో పాటు, స్థానిక ప్రజల ప్రయాణ ఇబ్బందులు పూర్తిగా తొలగిపోతాయని ఈ సందర్భంగా తెలిపారు.
