పెన్షన్స్ పంపిణీకి కూటమి ప్రభుత్వం అధిక ప్రాధాన్యం --కేతా

      ఆత్మకూరు, మేజర్ న్యూస్  :  ప్రతి నెల ఒకటో తేదీ క్రమం తప్పకుండా వృద్దులు, వికలాంగులు,వితంతువులు తదితరులకు పెన్షన్ పంపిణీ చేస్తున్న ఘనత తమ కూటమి ప్రభుత్వానిదేనని ఆత్మకూరు నియోజకవర్గ సీనియర్ తెలుగుదేశం నాయకుడు కేతా విజయభాస్కర్ రెడ్డి పేర్కొన్నారు. గురువారం వారం  ఆయన మండలంలోని చెర్లో యడవల్లి లో పెన్షన్ పంపిణీ కార్యక్రమంలో పాల్గొన్నారు. సచివాలయ సిబ్బందితోపాటు ఆయన పాల్గొని పెన్షన్ పంపిణీ చేశారు.ఈ సందర్భంగా ఆయన మాట్లాడుతూ రాష్ట్ర దేవాదాయ ధర్మాదాయ శాఖ మంత్రి ఆనం రామనారాయణ రెడ్డి ఆదేశాల మేరకు తాము పెన్షన్ పంపిణీ  కార్యక్రమంలో పాల్గొన్నామని ఆయన పేర్కొన్నారు. రాష్ట్ర ప్రభుత్వం ప్రతినెలా 1వతేదీ పెన్షన్ దారులు ఇళ్ల వద్దకే వెళ్లి పెన్షన్లు పంపిణీ చేస్తున్నామని, ఒకటో తేదీ సెలవు దినం అయితే ముందు రోజే పెన్షన్ అందజేస్తున్నామని విజయభాస్కర్ రెడ్డి పేర్కొన్నారు. ఒకటో తేదీ తెల్లారేసరికల్లా పెన్షనర్ల చేతిలో పెన్షన్ మొత్తాన్ని అందజేస్తుండగా వారి సంతోషాలకు అవధులు లేకుండా ఉందని కేతా పేర్కొన్నారు. తమ ప్రభుత్వం పెన్షన్ 4000, 6000, 10000, 15000 వంతున పెంచి లబ్ధిదారుల ఇళ్ల వద్దనే ఒకటో తేదీ అందజేస్తున్నామని  పేర్కొన్నారు. పెన్షనర్ల సంతోషానికి అవధుల్లేకుండా పండుగ వాతావరణం కనిపిస్తుందని ఆయన పేర్కొన్నారు. ఈ కార్యక్రమంలో తెలుగుదేశం  కార్యకర్తలు, సచివాలయం సిబ్బంది తదితరులు పాల్గొన్నారు.