పరిశ్రమల స్థాపనలో వేగం పెంచాలి* *జిల్లా కలెక్టర్ డా.ఏ.సిరి*

కర్నూలు, అక్టోబర్ 5: జిల్లాలో పరిశ్రమల స్థాపన ప్రక్రియను వేగవంతం చేయాలని జిల్లా కలెక్టర్ డా.ఏ.సిరి పరిశ్రమల శాఖ అధికారులను ఆదేశించారు..

సోమవారం కలెక్టరేట్ లో పరిశ్రమల స్థాపన పురోగతి పై కలెక్టర్ పరిశ్రమల శాఖ అధికారులతో సమీక్ష నిర్వహించారు.

ఈ సందర్భంగా కలెక్టర్ మాట్లాడుతూ జిల్లాలో అమలులో ఉన్న అన్ని రకాల భారీ పరిశ్రమలకు అవసరమైన అనుమతులను సకాలంలో మంజూరు చేసి, పనులను వేగవంతం చేయాలని కలెక్టర్  ఏపిఐఐసి, పరిశ్రమల శాఖ, నెడ్ క్యాప్, పొల్యూషన్ కంట్రోల్ బోర్డ్ అధికారులను ఆదేశించారు. పరిశ్రమల స్థాపనకు సంబంధించి కాలుష్య నియంత్రణకు అవసరమైన అన్ని రకాల అనుమతులను త్వరితగతిన మంజూరు చేయాలని కలెక్టర్ పొల్యూషన్ కంట్రోల్ బోర్డ్ అధికారులను ఆదేశించారు. ముఖ్యంగా ఓర్వకల్లు ఇండస్ట్రియల్ ఏరియాలో ఫార్మా పరిశ్రమల ఏర్పాటుకు అవసరమైన ఎన్విరాన్మెంటల్ క్లియరెన్స్‌లను త్వరగా మంజూరు చేయాలని కలెక్టర్ సంబంధిత అధికారులను ఆదేశించారు.. ఫౌండేషన్ స్టోన్ వేయడానికి సిద్ధంగా ఉన్న పరిశ్రమలను గుర్తించి అవసరమైన చర్యలు వెంటనే చేపట్టాలని కలెక్టర్ సంబంధిత అధికారులను ఆదేశించారు.

సమావేశంలో ఏపిఐఐసి జెడ్ ఎం మధుసూదన్ రెడ్డి, పరిశ్రమల శాఖ అధికారి సంజీవ రాజు, తదితరులు పాల్గొన్నారు..