పల్లె పండుగ 3.0 అభివృద్ధికి శ్రీకారం రాష్ట్ర ట్రైకర్ చైర్మన్ : బోరగం శ్రీనివాస్

కొయ్యలగూడెం. , రూరల్ సూర్య న్యూస్  :కూటమి ప్రభుత్వం అధికారంలోకి వచ్చిన తర్వాత రాష్ట్రం అభివృద్ధి చెందుతుందని రాష్ట్ర ట్రైకర్ చైర్మన్ బొరగం శ్రీనివాస్ తెలిపారు. పల్లె పండుగ 3.0 కార్యక్రమంలో భాగంగా ఏలూరు ఎంపీ పుట్టా మహేష్ నిధులతో  మండలానికి కోటి 41 లక్షల 80 వేల రూపాయలతో మంజూరైన సిసి రహదారులకు కూటమి పార్టీల నాయకులు అంకాల గూడెం గ్రామ శివాలయం వద్ద భూమి పూజ నిర్వహించడం జరిగింది. ముఖ్య అతిథిగా హాజరైన బొరగం శ్రీనివాస్ మాట్లాడుతూ  రాష్ట్ర ముఖ్యమంత్రి నారా చంద్రబాబు నాయుడు, ఉప ముఖ్యమంత్రి కొణిదెల పవన్ కళ్యాణ్ , లు రాష్ట్రంలో ఉన్న ప్రతి పల్లెల్లో సిసి రహదారులు నిర్మించాలనె ఉద్దేశంతో పల్లె పండుగ కార్యక్రమాన్ని ప్రవేశపెట్టి గ్రామాలన్నీ అభివృద్ధి చేస్తున్నారని అన్నారు. పోలవరం నియోజకవర్గానికి నిధులు మంజూరు చేయించిన ఏలూరు పార్లమెంట్ సభ్యులు పుట్ట మహేష్ కు ధన్యవాదాలు తెలిపారు. ఈ కార్యక్రమంలో మండల టిడిపి అధ్యక్షులు పారేపల్లి రామారావు, రాష్ట్ర మహిళా ఆర్గనైజింగ్ కమిటీ సభ్యురాలు గంగిరెడ్ల మేఘాల దేవి, జనసేన పార్టీ మండల అధ్యక్షులు తోట రవి, టిడిపి జిల్లా ఉపాధ్యక్షురాలు ఆకుల అరుణ, గొలిశెట్టి వాసు, పట్టణ జనసేన అధ్యక్షులు మాదేపల్లి శ్రీను, పెండ్యాల రమాదేవి, చిటికెన బాలగంగాధర తిలక్, కూటమి పార్టీల నాయకులు పాల్గొన్నారు.

 రిపోర్టర్ కిషోర్ కొయ్యలగూడెం ఏలూరు జిల్లా