పాయకరావుపేట మెయిన్‌రోడ్‌ విస్తరణ పనులకు శంకుస్థాపన.
రూ.8.20 కోట్ల విఎమ్ఆర్డిఏ నిధులతో సీసీ కాలువలు,కల్వర్టులు,సెంట్రల్‌ లైటింగ్‌ పనులకు శంకుస్థాపన చేసిన హోం మంత్రి అనిత.
పాయకరావుపేట అక్టోబర్‌ 1 మేజర్ న్యూస్.
పాయకరావుపేట పట్టణాన్ని అన్ని విధాలా అభివృద్ధి చేసి,అందంగా తీర్చిదిద్దడమే తన లక్ష్యమని రాష్ట్ర హోంమంత్రి వంగలపూడి అనిత తెలిపారు.పాయకరావుపేట మెయిన్‌రోడ్‌ విస్తరణలో భాగంగా సీసీ కాలువలు,కల్వర్టుల నిర్మాణం,సెంట్రల్‌ లైటింగ్‌ పనులకు గురువారం ఆమె శంకుస్థాపన చేశారు.విఎంఆర్డిఏ ఆధ్వర్యంలో రూ.8.20 కోట్ల నిధులతో చేపట్టనున్న అభివృద్ధి పనులకు మంత్రి అనిత శ్రీకారం చుట్టారు.అభివృద్ధి పనులు పారదర్శకంగా,నాణ్యతా ప్రమాణాలతో చేపట్టాలని మంత్రి అధికారులను ఆదేశించారు. రోడ్ల నిర్మాణంలో నాణ్యతకు అత్యంత ప్రాధాన్యత ఇవ్వాలని సూచించారు. పాయకరావుపేట పట్టణ అభివృద్ధికి ప్రభుత్వం సిద్ధంగా ఉందని,ఇందుకు పట్టణ ప్రజలు కూడా సహకరించాలని ఆమె కోరారు. పాయకరావుపేట టౌన్‌ను సుందరంగా తీర్చిదిద్దాలన్నదే తన లక్ష్యమని మంత్రి అనిత పేర్కొన్నారు.నియోజకవర్గ అభివృద్ధికి ప్రభుత్వం చేపడుతున్న కార్యక్రమాలకు ప్రజల సహకారం అవసరమన్నారు.ఈ కార్యక్రమంలో కూటమి పార్టీల నాయకులు,విఎంఆర్డిఏ ఎస్‌ఈ ఎన్‌.రాంబాబు,డీఈ రామానాయుడు,ఏఈ లోకేష్‌ తదితరులు పాల్గొన్నారు.
పాయకరావుపేట మండల పరిధిలో నూతనంగా ఎన్నికైన ఎస్ఎంసి చైర్మన్ లకు హోం మంత్రి అనిత సన్మానం చేశారు.ఎస్ఎంసి చైర్మన్లు పాఠశాలలు అభివృద్ధి చేయడంలో పోటీ పడాలన్నారు.పాఠశాలల్లో ఆర్ ఓ ప్లాంట్ లు లేని చోట,ఆర్ ఓ ప్లాంట్ లు ఏర్పాటు చేస్తామన్నారు.ఆర్ ఓ ప్లాంట్లో ఉన్నచోట రిపేర్లు చేయిస్తామని చెప్పారు.
