పారిజాతగిరి ఆలయ హుండీ ఆదాయం లెక్కింపు

జంగారెడ్డిగూడెం-మేజర్ న్యూస్,: గోకుల తిరుమల పారిజాతగిరి శ్రీ వెంకటేశ్వర స్వామివారి దేవస్థానంలో హుండీ ఆదాయాన్ని బుధవారం లెక్కించారు. దేవాదాయ శాఖ ఏలూరు జిల్లా ఇన్‌స్పెక్టర్, పర్యవేక్షణాధికారి జి. పవన్‌కుమార్ పర్యవేక్షణలో, ఆలయ ధర్మకర్తల మండలి చైర్మన్ అల్లూరి రామకృష్ణ, ఈవో మాణికల రాంబాబు ఆధ్వర్యంలో 90 రోజుల హుండీ ఆదాయాన్ని లెక్కించగా రూ.17,26,166 వచ్చినట్లు తెలిపారు.ఈ కార్యక్రమంలో ధర్మకర్తల మండలి సభ్యులు కన్నా కృష్ణ, అన్నప్రగడ వీరరాఘవరావు, అభివృద్ధి కమిటీ సభ్యులు రెడ్డి రంగప్రసాద్, దండు ధనరాజు, వాసవి సాయి నగేష్, వివిధ సేవా సంఘాల ప్రతినిధులు, ఇండియన్ బ్యాంక్ సిబ్బంది, ఆలయ సిబ్బంది, అర్చకులు, భక్తులు పాల్గొన్నారు.

రిపోర్టర్ కె.వి రమణారావు జంగారెడ్డిగూడెం ఏలూరు జిల్లా