పాకెట్ మనీ పొదుపే సేవా మార్గం.

• 11 ఏళ్లుగా ఆకలి తీరుస్తున్న సాయి విద్యార్థులు.

పలాస, అక్టోబర్ 1,మేజర్ న్యూస్.

"సీలింగ్ ఆన్ డిజైర్స్" - కోరికలకు హద్దు, సేవకు మార్గం.

భగవాన్ శ్రీ సత్యసాయిబాబా వారి దివ్య సందేశాన్ని ఆచరణలో చూపుతున్నారు పలాస విద్యార్థులు.పలాస మండలం రామకృష్ణాపురంలోని శ్రీ సత్యసాయి విద్యావిహార్ విద్యార్థినీ విద్యార్థులు గత 11 సంవత్సరాలుగా తమ పాకెట్ మనీని పొదుపు చేసి నారాయణ సేవ నిర్వహిస్తున్నారు. "అందరినీ ప్రేమించు - అందరినీ సేవించు" అనే స్వామి సందేశాన్ని తు.చ తప్పకుండా పాటిస్తున్నారు.

ప్రతి నెల ఒకటో తేదీన నారాయణ సేవ

తమ రోజువారీ ఖర్చులను తగ్గించుకుని మిగిల్చిన మొత్తంతో ప్రతి నెల 1వ తేదీన ఆహార ప్రసాద వితరణ చేస్తున్నారు. అందులో భాగంగా గురువారం అక్టోబర్ 1న పలాస రైల్వే కాలనీలో గల షిర్డీ సాయి మందిరం సమీపంలోని నిరుపేదలకు అన్న ప్రసాదం,స్వామివారి విభూతి, చిత్రపటాలను అందజేశారు.ఈ సేవా కార్యక్రమంలో నారాయణ సేవ ఇంఛార్జి దాలేటి సార్,విద్యార్థినీ విద్యార్థులు పాల్గొన్నారు.చిన్న వయసులోనే సేవా భావాన్ని అలవర్చుకుంటున్న విద్యార్థులను స్థానికులు అభినందిస్తున్నారు.