నిశ్చితార్థ వేడుకకు హాజరైన మంత్రి కేశవ్.

కళ్యాణదుర్గం: పట్టణంలోని శ్రీనివాస కళ్యాణ మండపంలో నవంబర్ 1న నిర్వహించిన నిశ్చితార్థ వేడుకకు రాష్ట్ర ఆర్థిక శాఖ మంత్రి పయ్యావుల కేశవ్ ముఖ్య అతిథిగా హాజరయ్యారు. బెలుగుప్ప మండలం నరసాపురం గ్రామానికి చెందిన హనుమంతరెడ్డి కుమార్తె తేజ, రాహుల్ నిశ్చితార్థ కార్యక్రమం కుటుంబ సభ్యులు, బంధుమిత్రుల సమక్షంలో ఘనంగా జరిగింది. ఈ వేడుకకు మంత్రి పయ్యావుల కేశవ్ విచ్చేసి కాబోయే వధూవరులను ఆశీర్వదించారు. తేజ, రాహుల్ దాంపత్య జీవితంలోకి అడుగుపెట్టబోతున్న సందర్భంగా వారికి శుభాకాంక్షలు తెలియజేశారు. వారి భవిష్యత్తు సుఖసంతోషాలతో, ఆయురారోగ్యాలతో, పరస్పర అనురాగంతో కొనసాగాలని ఆకాంక్షించారు. మంత్రి రాకతో నిశ్చితార్థ వేడుకకు ప్రత్యేక ప్రాధాన్యత ఏర్పడింది. ఈ సందర్భంగా వధువు కుటుంబ సభ్యులు మంత్రికి ఆత్మీయ స్వాగతం పలికారు. వేడుకలో కుటుంబ సభ్యులు, బంధువులు, సన్నిహితులు పాల్గొని కాబోయే వధూవరులకు శుభాకాంక్షలు తెలియజేశారు. ఆహ్లాదకరమైన వాతావరణంలో నిశ్చితార్థ కార్యక్రమం సంతోషంగా ముగిసింది.
కళ్యాణదుర్గం టౌన్ రిపోర్టర్ :- బోయరంగస్వామి.