నిబంధనలకు అనుగుణంగా బాణాసంచా దుకాణాలు ఏర్పాటు చేసుకోవాలి నిబంధనలు ఉల్లంఘించే వారిపై చట్టపరమైన చర్యలు తీసుకుంటాం జిల్లా ఎస్పీ బి.ఉమామహేశ్వర్

బాపట్ల, మేజర్‌న్యూస్ :

దీపావళి సందర్భంగా బాణాసంచా తయారీ కేంద్రాలు, నిల్వ గోదాములు, విక్రయ దుకాణాలను నిర్వహించేవారు తప్పనిసరిగా అనుమతులు, లైసెన్సులు పొందాలని, నిర్దేశించిన నిబంధనలు పాటించని వారిపై చట్టపరమైన చర్యలు తీసుకుంటామని జిల్లా ఎస్పీ శ్రీ బి.ఉమామహేశ్వర్ ఐపీఎస్ గారు హెచ్చరించారు. రాబోయే దీపావళి పండుగను దృష్టిలో ఉంచుకొని జిల్లాలో ఎలాంటి అవాంఛనీయ ఘటనలు చోటుచేసుకోకుండా తీసుకోవాల్సిన ముందస్తు జాగ్రత్తలు, భద్రతా చర్యల గురించి శుక్రవారం జిల్లా ఎస్పీ గారు వివరించారు.

బాణాసంచా తయారీ, నిల్వ కేంద్రాలు:

???? బాణాసంచా తయారీ కేంద్రాలను సంబంధిత అనుమతులు పొందిన ప్రదేశాల్లోనే నిర్వహించాలి.
???? అనుమతులు లేని ప్రదేశాల్లో బాణాసంచా తయారీ చేయడం, పేలుడు పదార్థాలను నిల్వ చేయడం నిషేధం.
???? తయారీ కేంద్రాల్లో అగ్నిప్రమాదాలు జరగకుండా అవసరమైన భద్రతా ప్రమాణాలను తప్పనిసరిగా పాటించాలి.
???? తయారీ కేంద్రాల్లో పొగతాగడం, అగ్గిపుల్లలు వెలిగించడం, బహిరంగ మంటలు ఏర్పాటు చేయడం పూర్తిగా నిషేధం.
???? అక్కడ పనిచేసే సిబ్బందికి అవసరమైన భద్రతా పరికరాలను అందుబాటులో ఉంచాలి.
???? అనుమతించిన పరిమితికి మించి పేలుడు పదార్థాలను నిల్వ చేయరాదు.

బాణాసంచా విక్రయ దుకాణాలు:

???? బాణాసంచా విక్రయించేందుకు అనుమతులు తప్పనిసరిగా పొందాలి.
???? తాత్కాలిక బాణాసంచా దుకాణాల ఏర్పాటుకు సైతం అనుమతి తీసుకోవాలి.
???? అనుమతులు మంజూరైన ప్రదేశాల్లోనే దుకాణాలను ఏర్పాటు చేసుకోవాలి.
???? దుకాణాల మధ్య నిబంధనల ప్రకారం నిర్దేశించిన దూరాన్ని తప్పనిసరిగా పాటించాలి.
???? ఆసుపత్రులు, పాఠశాలలు, అధిక జనసమ్మర్థం ఉండే ప్రాంతాలకు సమీపంలో నిబంధనలకు విరుద్ధంగా దుకాణాలను ఏర్పాటు చేయరాదు.
???? దుకాణాల వద్ద అగ్నిమాపక పరికరాలు, ఇసుక, నీటిని తప్పనిసరిగా అందుబాటులో ఉంచుకోవాలి.
???? దుకాణాల పరిసరాల్లో పొగతాగడం, అగ్గిపుల్లలు వెలిగించడం, బహిరంగ మంటలు ఏర్పాటు చేయడం పూర్తిగా నిషేధం.
???? విద్యుత్ షార్ట్ సర్క్యూట్ ప్రమాదాలు జరగకుండా సురక్షితమైన విద్యుత్ వైరింగ్ ఏర్పాటు చేసుకోవాలి.
???? అనుమతించిన పరిమితికి మించి బాణాసంచాను నిల్వ చేయరాదు.

ప్రభుత్వ నిబంధనలకు విరుద్ధంగా బాణాసంచా తయారీ, నిల్వ, విక్రయాలు చేపట్టినా, అనుమతులు లేకుండా దుకాణాలు నిర్వహించినా సంబంధిత వ్యక్తులపై చట్టపరమైన చర్యలు తీసుకుంటామని జిల్లా ఎస్పీ గారు హెచ్చరించారు.

జిల్లాలో ఎక్కడైనా బాణాసంచా సామగ్రి అక్రమ తయారీ, నిల్వకు సంబంధించిన సమాచారం తెలిస్తే వెంటనే డయల్ 112 లేదా బాపట్ల జిల్లా పోలీస్ హెల్ప్‌లైన్ నంబర్ 8333813228కు కాల్ చేసి పోలీసులకు సమాచారం అందించాలని ఎస్పీ గారు సూచించారు.