నేడు కేంద్ర మంత్రి రామ్మోహన్‌నాయుడు పర్యటన
మెలియాపుట్టి. అక్టోబర్ 2. మేజర్ న్యూస్...
కేంద్ర పౌర విమానయాన శాఖ మంత్రి కింజరాపు రామ్మోహన్‌నాయుడు, పాతపట్నం ఎమ్మెల్యే మామిడి గోవిందరావు శనివారం మెళియాపుట్టి, పాతపట్నం మండలాల్లో పలు అభివృద్ధి కార్యక్రమాలకు శంకుస్థాపనలు, ప్రారంభోత్సవాలు చేయనున్నారు. ఉదయం 10 గంటలకు మెలియాపుట్టి మండలంలోని సంతలక్ష్మీపురం వద్ద బీటీ రోడ్డును ప్రారంభిస్తారు. 11 గంటలకు భరణికోట పంచాయతీ పరిధిలోని కోతికొలింగాం గ్రామంలో అంగన్‌వాడీ కేంద్రాన్ని ప్రారంభిస్తారు. మధ్యాహ్నం 12 గంటలకు చాపరలో కమ్యూనిటీ హాల్‌కు శంకుస్థాపన చేయనున్నారు.
12.30 గంటలకు కోసమలలో పల్లెపండుగ-3.0, కార్నర్‌ మీటింగ్‌లో పాల్గొంటారు. 1.30 గంటలకు మెళియాపుట్టి మండల కేంద్రంలో గ్రంథాలయం, రెవెన్యూ పెట్రోల్‌ బంక్‌ నిర్మాణాలకు శంకుస్థాపన చేస్తారు. 2.30 గంటలకు రింపి రోడ్డును, 3 గంటలకు కొత్తపేట బీటీ రోడ్డు, అంగన్‌వాడీ కేంద్రాన్ని ప్రారంభిస్తారు.
సాయంత్రం 3.30 గంటలకు పాతపట్నం మండల కేంద్రంలో రైతుబజార్‌కు శంకుస్థాపన, 4 గంటలకు పలు రోడ్లను ప్రారంభిస్తారు. 5 గంటలకు సీదిలో బ్యాడ్మింటన్‌ కోర్టుకు శంకుస్థాపన చేయనున్నారు.
ఈ కార్యక్రమాలకు ఐదు మండలాల ఎన్డీఏ కూటమి నాయకులు, కార్యకర్తలు పెద్దఎత్తున హాజరై విజయవంతం చేయాలని శ్రీకాకుళం జిల్లా టీడీపీ పార్లమెంటరీ నియోజకవర్గ కార్యదర్శి అనపాన రాజశేఖర్‌రెడ్డి కోరారు.
